معروف امریکی گلوکارہ کا ایک انٹرویو میںکہنا ہے کہ انھیں بڑھاپے سے ڈر نہیں لگتا بلکہ وہ اس کے بارے میں پرجوش ہیں
اپنی عمر چھپانا ہر خاتون کا شیوہ ہے خصوصاْ شوبز سے وابستہ خواتین کی تو کوشش ہوتی ہے کہ ان کا سن پیدائش کسی کو معلوم نہ ہو مگر امریکی گلوکارہ سلینا گومز کا کہنا ہے کہ انہیں بڑا ہونا پسند ہے۔
اپنے ایک انٹرویو میں انہوں نے کہا کہ وہ بچپن میں بوڑھا ہونے سے ڈرتی تھیں لیکن اب وہ اس بات سے نہیں گھبراتیں اور سوچتی ہیں کہ یہ سب ویسا نہیں ہے جیسا وہ سوچا کرتی تھیں بلکہ وہ تو اب اس حوالے سے اتنا پرجوش ہیں کہ پہلے کبھی نہیں تھیں اور انہوں نے لوگوں کی پروا کرنا چھوڑ دیا ہے۔
سلینا گومز نے گریمی ایوارڈز میں اپنے البم ‘ریویلاسیان’ کو نامزدگی ملنے پر خوشی کا اظہار کرتے ہوئے کہا کہ یہ بہت اچھا ہے کیونکہ انہوں نے اس البم کے لیے پورے دل سے کام کیا ہے۔
یاد رہے کہ سلینا گومز رواں سال جولائی میں اپنی تیسویں سالگرہ منائیں گی۔
