(28 ستمبر 2025): امریکی اداکارہ اور گلوکارہ سلینا گومز نے اپنے دوست اور معروف موسیقی پروڈیوسر بینی بلانکو سے شادی کرلی۔
امریکی اداکارہ اور گلوکارہ سلینا گومز کی شادی کی تقریب جنوبی کیلی فورنیا کے خوبصورت علاقے ہوپ رینچ، سانتا باربرا کاؤنٹی میں ہوئی۔
سلینا گومز نے انسٹاگرام پر شادی کی تصویریں اور وڈیوز شیئر کیں، 33 سال کی گومز تصویر میں دلہن بنی دکھائی دے رہی ہیں، 37 برس کے بلانکو سیاہ سوٹ میں ملبوس ہیں، دلہا اور دلہن دونوں نے شادی کیلئے رالف لورین کے خصوصی تیار کردہ ملبوسات پہنے۔
View this post on Instagram
سوشل میڈیا پر شیئر کی گئی تصاویر میں دونوں کو مختلف رومانوی انداز میں دیکھا جاسکتا ہے، بلانکو نے تبصرہ کرتے ہوئے لکھا میری حقیقی زندگی کی بیوی۔
میڈیا رپورٹس کے مطابق تقریب میں 170 مہمان شریک ہوئے، جن میں سلینا کی قریبی دوست پاپ اسٹار ٹیلر سوئفٹ، برطانوی گلوکار ایڈ شیرن، سوشلائٹ پیرس ہلٹن، اور اونلی مڈرز کے ساتھی اداکار اسٹیومارٹن اور مارٹن شورٹ شامل تھے۔
یاد رہے کہ سلینا گومز اور بینی بلانکو نے 2023 میں ڈیٹنگ شروع کی تھی اور دسمبر 2024ء میں منگنی کا اعلان کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں