اسلام آباد: پاکستان کی ننھی کوہ پیما سلینہ خواجہ نے ایک اور چوٹی سر کر کے پاکستان کا نام روشن کردیا، وہ اس سے قبل پاکستان کی متعدد برفانی چوٹیاں سر کر چکی ہیں۔
دنیا کی کم عمر ترین کوہ پیما کا اعزاز رکھنے والی سلینہ خواجہ نے قراقرم سلسلے کی مشکل ترین چوٹی اسپنٹک بھی سر کر کے نیا عالمی ریکارڈ اپنے نام کرلیا، یہ چوٹی 7 ہزار 27 میٹر بلند ہے۔
وہ اس چوٹی کو سر کرنے والی دنیا کی کم عمر ترین کوہ پیما بن چکی ہیں۔
#SummitAlert#Pakistan ‘s 10 years old Selena Khawaja became the #youngest person ever to stand on top of #Spantik peak (7,027m) this morning. This record also holds special value as this makes her the youngest #climber ever to #summit a #7000er anywhere in the world#karakoram pic.twitter.com/t0sMTbzTcl
— The Karakoram Club (@KarakoramClub) July 17, 2019
اس سے قبل سلینہ 5 ہزار 765 میٹر بلند کوزہ سر چوٹی بھی سر کر کے عالمی ریکارڈ بنا چکی ہیں۔ علاوہ ازیں وہ منگلی اور ولیوسر چوٹی بھی سر کر چکی ہیں۔
سلینہ کا خواب دنیا کی بلند ترین چوٹی ماؤنٹ ایورسٹ سر کرنا ہے جس کی بلندی 8 ہزار 8 سو 48 میٹر ہے۔ اب ان کی کوہ پیمائی کا اگلا قدم براڈ پیک کو بھی تسخیر کرنا ہے۔ براڈ پیک 8 ہزار 47 میٹر بلند چوٹی ہے۔
اس ننھی پری کا بچوں کے نام اپنے پیغام میں کہنا ہے کہ ہمیشہ بڑا ہدف چنیں، سخت محنت کریں اور اپنا ہدف حاصل کریں۔
