خود بہ خود چلنے والی جدید موٹرسائیکل متعارف -
The news is by your side.

Advertisement

خود بہ خود چلنے والی جدید موٹرسائیکل متعارف

لاس ویگاس: جرمنی کی گاڑیاں بنانے والی مشہور کمپنی بی ایم ڈبلیو نے جدید سہولیات سے آراستہ موٹرسائیکل متعارف کرادی جو سیلف ڈرائیونگ کی سہولت سے مالا مال ہے۔

تفصیلات کے مطابق امریکا کے شہر لاس ویگاس میں سالانہ کنزیومر الیکٹرونکس شو جاری ہے جس میں مختلف کمپنیوں کی جانب سے جدید سہولیات سے آراستہ حیران کن اشیاء متعارف کرائی جارہی ہیں۔

دو روز قبل سی ای ایس 2019 شو کے دوران بی ایم ڈبلیو نے حیرت انگیز خودکار ڈرائیونگ کی صلاحیت سے لیس ہیوی بائیک متعارف کرائی جو جدید ٹیکنالوجی سے آراستہ ہے۔

کمپنی نے اس موٹرسائیکل کو آر 1250 جی ایس کا نام دیا جس میں ایسی لینس نصب کیے گئے جو گاڑیوں پر نظر رکھیں گے اور اس پر بیٹھنے کے بات بائیک چلانے کی کوئی جنجھٹ نہیں ہوگی۔

مزید پڑھیں: ٹیکنالوجی کی دنیا میں اہم ایجاد، سکڑنے والی موٹرسائیکل متعارف

بی ایم ڈبلیو کے انجینئرز نے یہ موٹرسائیکل تین سال کے عرصے میں تیار کی، جس پر بیٹھ کر اپنا مقام لکھیں تو یہ آپ کو اُسی جگہ پر خود لے جا کر چھوڑ دے گی۔

کمپنی کے مطابق موٹرسائیکل میں آٹومیٹک ایمرجنسی بریک دیے گئے جو کسی بھی خطرے کی صورت میں فوراً کام کریں گے علاوہ ازیں کچھ ایسے سینسر بھی نصب کیے گئے جو گاڑی کو ٹکر لگنے سے پہلے آگاہ کردیں گے۔

یہ بھی پڑھیں: اڑنے والی بائیک اب عام لوگ خرید سکیں گے

بی ایم ڈبیلو کے ترجمان کا کہنا تھا کہ کمپنی فی الحال موٹرسائیکل فروخت کرنے کا ارادہ نہیں رکھتی بلکہ اس ایجاد کا مقصد ایسے نظام کو متعارف کرانا ہے جس کی مدد سے دیگر لوگوں کو کسی بھی قسم کے نقصان سے بچایا جاسکے۔

Comments

comments

یہ بھی پڑھیں