The news is by your side.

Advertisement

عمران خان بھی سیلفی کے شوقین نکلے، دوستوں سے ملاقاتیں

اسلام آباد : چیئرمین تحریک انصاف عمران خان سیلفی کے شوقین نکلے۔ نتھیا گلی میں وسیم اکرم سے ملاقات پر خوب تصویریں بنوائیں۔

تفصیلات کے مطابق سیلفیوں کاذوق اور دوستوں سے ملاقاتوں کا شوق کپتان کو نتھیا گلی لے گیا، رائیونڈ مارچ کی تھکن اتارنے کیلیے تین روز سے پر فضا مقام پر موجو د عمران خان نے پرانے دوستوں کو بھی بلا لیا۔

سابق ٹیسٹ کرکٹر وسیم اکرم اپنی اہلیہ شنیرہ کے ہمراہ کپتان کے پاس پہنچے۔ جہاں سابق کرکٹر ذاکر خان اور گلوکار سلمان احمد بھی موجود تھے، اسلام آباد کانفرنس کے بعد میڈیا اور عوام کی نگاہیں عمران خان کو ڈھونڈتی رہ گئیں مگر کپتان نے پرانے دوستوں سے ملاقات میں وقت گزارا۔ گپ شپ لگائی۔

کپتان سیاسی سرگرمیاں چھوڑ چھاڑ نتھیا گلی میں مزے کر تے کپتان نے وسیم اکرم اور دیگر دوستوں کے ساتھ خوب سیفلیاں بنوائیں اور پرانی یادیں تازہ کیں۔

بعد ازاں عمران خان کے بلاوے پر شاہ محمود قریشی بھی نتھیا گلی پہنچ گئے اور انہیں پارلیمانی جماعتوں کی کانفرنس کے اعلامیے سے آگاہ کیا۔

 

Comments

comments

یہ بھی پڑھیں