site
stats
عالمی خبریں

مصری طیارے کے اغوا کارکے ساتھ مسافرکی تصویر وائرل

نکوسیا: مصری طیارہ اغواء کرکے قبرص لے جانے والے ہائی جیکر کی مسافر کے ہمراہ تصویر سوشل میڈٰیا پروائرل ہوگئی۔

اس سارے واعے کے دوران بنجمن اینس نامی 26 سالہ برطانوی نوجوان نے سیف کے ساتھ سیلفی تصویر کی خواہش ظاہرکردی جو کہ اس نے بخوشی مکمل کردی۔

تصویرمیں سیف کے جسم سے بندھی جیکٹ اور برطانوی نوجوان کے چہرےپرمسکراہٹ بہ آسانی دیکھی جاسکتی ہے۔

گزشتہ روز سیف الدین مصطفیٰ نامی مصری امریکن نے اسکندریہ سے قاہرہ جاتے ہوئے مصری ایئرلائن کے طیارے کو ہائی جیک کرلیا۔

طیارے کو ہائی جیک کرنے کے بعد قبرص کے لارناکہ ایئرپورٹ پرلینڈنگ کرائی گئی۔

ہائی جیکنگ کے وقت طیارے میں 62 مسافر سوار تھے، سیف نے ان میں سے پچپن مسافروں کو جانے کی اجازت دے دی جبکہ تین کریو ممبران اورچارغیرملکی مسافر شامل ہیں۔

بعد ازاں باقی ری جانے والے چھ افراد بھی کسی طرح دروازے تک رسائی حاصل کرنے میں کامیاب ہوگئے جبکہ ایک شخص نے کاک پٹ سے کود کراپنی جان بچائی جس کے بعد ہائی جیکر کو گرفتارکرلیا گیا۔

سیف الدین نامی اس شخص کے بارے میں کہا جارہا ہے کہ اسے نفسیاتی مسائل درپیش ہیں، پہلے پہل تو اس نے اپنی بیوی سے ملاقات کا مطالبہ کیا، بعد ازاں اس نے مطالبہ کیا کہ قبرص کی جیلوں میں قید افراد کورہا کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top