متحدہ عرب امارات میں جیولرز کہا ہے کہ سونے کے قیمت میں مسلسل اضافے کی وجہ سے بیشتر افراد سونے کے سکے اور بسکٹس فروخت کررہے ہیں۔
الامارات الیوم کے مطابق جیولرز کے مالکان کا کہنا ہے کہ سونے کے قیمت بڑھنے اور طویل مدت تک قیمت میں ٹھہراؤ سے سونے کے سکوں اور بسکٹس کے کاروبار میں تیزی آئی ہے۔
انہوں نے بتایا کہ بیشتر افراد اپنے پاس موجود سونے کے سکے اور بسکٹس اس امید پر فروخت کررہے ہیں کہ آئندہ اتنے اچھے نرخ انہیں پھر نہیں مل سکیں گے۔
ایک سونے کی کمپنی کے ڈائریکٹر نے کہا کہ ’حالیہ دنوں میں جیولری شورومز میں بڑی تعداد میں ایسے افراد آئے ہیں جو سونے کے بسکٹ اور سکے فروخت کرنا چاہتے تھے۔ ان کی کوشش تھی کہ سونے کے بڑھے نرخوں سے فائدہ اٹھایاجائے۔
انکا مزید کہنا تھا کہ کئی سونے کے سکے خریدنے کے لیے بھی آئے، وہ مستقبل میں سونے کے نرخوں میں اضافے کی امید پر خریداری کر رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں