اسلام آباد : سینیٹ کی 6 خالی نشستوں پر ضمنی انتخابات کے لیے اراکین قومی اسمبلی کے لئے ہدایات جاری کردی گئیں۔
تفصیلات کے مطابق سینیٹ کی 6 خالی نشستوں پر ضمنی انتخابات کے لیے پولنگ کا عمل شروع ہوگیا ہے۔
قومی اسمبلی ہال میں پولنگ کی تیاریاں مکمل کی گئی ہیں اور اراکین قومی اسمبلی کے لئے ہدایات جاری کردی گئی ہے۔
قومی اسمبلی ہال میں ووٹرز کے لئے پردہ دار کمرے تیار کیا گیا ہے ، ووٹرپردہ دارکمرے میں بال پین سےبیلٹ پیپر پر ترجیحات درج کرے گا۔
ہدایات میں کہا گیا ہے کہ بیلٹ پیپرز پر دو امیدواروں کے نام ہیں، ایک امیدوار کو ترجیح کی صورت میں اس کے نام کے سامنے ایک لکھ دیں گے، دونوں امیدواروں کے حق میں بھی ترجیح دی جا سکتی ہے۔
اراکین قومی اسمبلی کو بتایا گیا ہے کہ ترجیح انگلش یا اردو میں درج ہو سکتی ہے، ترجیح کے سامنے ہندسہ 1 درج نہ ہو ورنہ ووٹ مسترد ہو گا اور ہندسہ 1ایک سے زیادہ امیدواروں کے ناموں کے سامنے درج ہو تو بھی ووٹ مسترد ہو گا،
اس کے علاوہ ہندسہ 1 کے ساتھ کوئی اور ہندسہ ہو تو بھی ووٹ مسترد ہو گا جبکہ کوئی اور نشان یا تحریر بھی درج ہوتوبھی ووٹ مسترد ہوگا۔
خیال رہے اسلام آباد کی ایک ، سندھ کی دو اوربلوچستان کی تین نشستوں پرانتخاب ہورہا ہے، یہ نشستیں یوسف رضا گیلانی، مولانا غفور حیدری ، نثار کھوڑو، جام مہتاب، پرنس احمد عمر اور سرفرازبگٹی نے خالی کی تھی۔
