اسلام آباد: سینیٹ انتخابات کے لیے کاغذات نامزدگی کا وقت ختم ہوگیا، ملک بھر سے متعدد کاغذات نامزدگی جمع کرائے گے۔
تفصیلات کے مطابق سینیٹ انتخابات کے حوالے سے پنجاب میں کل 34 کاغذات نامزدگی جمع کرائے گئے، جن میں جنرل نشستوں کے لیے 21، خواتین اور ٹیکنوکریٹ نشستوں کے لیے 5-5 جبکہ اقلیتی نشستوں پر 3 کاغذات نامزدگی جمع کرائے گئے۔
سینیٹ الیکشن کے لیے سندھ میں کل 47 کاغذات نامزدگی جمع کرائے گئے، جن میں جنرل نشستوں کےلیے 23، ٹیکنوکریٹ پر 11 جبکہ خواتین کی نشستوں کے لیے 9 اور اقلیتوں کی نشستوں پر 4 کاغذات نامزدگی جمع کرائے گئے۔
سینیٹ انتخابات ، کاغذات نامزدگی جمع کرانے کا آج آخری دن
خیبر پختونخواہ میں کل 34 کاغذات نامزدگی جمع کرئے گئے، جن میں جنرل نشستوں کےلیے 20، خواتین کےلیے 8، جبکہ ٹیکنویٹ کی 6 نشستوں پر کاغذات نامزدگی جمع کرئے گئے۔
سینیٹ انتخابات کے لیے بلوچستان میں 28 کاغذات نامزدگی جمع کرائے گئے، جن میں جنرل نشستوں کے لیے 15، ٹیکنوکریٹ کے لیے 7 جبکہ خواتین کی 6 نشستوں پر کاغذات نامزدگی جمع کرائے گئے۔
سینیٹ انتخابات میں مخالفین کو مایوسی ہوگی، خواجہ سعد رفیق
دوسری جانب اسلام آباد کی ٹیکنوکریٹ کی نشست کےلیے ایک امیدوار نے کاغذات نامزدگی جمع کرایا، خیال رہے فاٹا کی 4 نشستوں پر فی الحال کوئی امیدوار سامنے نہیں آیا۔
یاد رہے گزشتہ روز الیکشن کمیشن حکام کا کہنا تھا کہ سینیٹ انتخابات کیلئے کاغذات نامزدگی 4 سے 6 فروری تک داخل ہوں گے جبکہ کاغذات نامزدگی کی جانچ پڑتال 9 فروری تک مکمل کر لی جائے گی۔ امیدواروں کی فہرست 15 فروری کو جاری ہوگی اور کاغذات نامزدگی 16 فروری تک واپس لئے جا سکیں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔
