The news is by your side.

Advertisement

سیف اللہ ابڑو سینیٹ الیکشن میں حصہ لینے کے اہل قرار

کراچی: سینیٹ الیکشن میں تحریک انصاف کو بڑا ریلیف مل گیا ، سندھ ہائیکورٹ نے پی ٹی آئی کے سیف اللہ ابڑو کو سینیٹ الیکشن کےلئے اہل قرار دے دیا ہے۔

تفصیلات کے مطابق سندھ ہائیکورٹ نے پی ٹی آئی کے سیف اللہ ابڑو کو سینیٹ الیکشن کے لئےاہل قرار دیتے ہوئےالیکشن ٹریبونل کا فیصلہ کالعدم قراردے دیا ہے۔

فیصلے سے قبل سیف اللہ ابڑو کے وکیل نے عدالت کو بتایا کہ ان کےموکل ٹیکنوکریٹ کی تعریف پر پورا اترتے ہیں، ان کے کیخلاف کسی امیدوار نے درخواست دائر نہیں کی تھی۔

اس سے قبل الیکشن ٹریبونل نے پی ٹی آئی رہنما سیف اللہ ابڑو کے ٹیکنوکریٹ کے لیے کاغذات نامزدگی مسترد کرتے ہوئے انہیں سینیٹ الیکشن میں حصہ لینے سے روک دیا تھا۔

یہ بھی پڑھیں:  رؤف صدیقی سینیٹ الیکشن کیلئےنااہل قرار

الیکشن ٹریبونل کا کہنا تھا کہ سیف اللہ ابڑو کے خلاف اپیل میں لگائے گئے اعتراضات ثابت ہوچکے ہیں اور وہ ٹیکنوکریٹ کے معیار پر پورا نہیں اترتے ہیں۔

جس پر سیف اللہ ابڑو نے الیکشن ٹریبونل کے فیصلے کے خلاف سندھ ہائیکورٹ سے رجوع کیا آج عدالت نے پی ٹی آئی رہنما کی استدعا منظور کی اور انہیں سینیٹ الیکشن میں حصہ لینے کی اجازت دے دی۔

یاد رہے الیکشن ٹریبونل میں غلام مصطفی میمن کی جانب سے اپیل دائر کی گئی تھی ، جس میں انھوں نے کہا تھا کہ سیف اللہ ابڑو نے اثاثے چھپائے ، 2018 اور2021 ‌کے گوشواروں میں زمین و آسمان کا فرق ہے۔

Comments

یہ بھی پڑھیں