The news is by your side.

Advertisement

سینیٹ ووٹ‌ کی خرید و فروخت، واٹس ایپ چیٹ‌ بھی سامنے آگئی

ملتان: سینیٹ الیکشن میں ووٹ کی خرید و فروخت کے حوالے سے ویڈیو کے بعد اب واٹس ایپ چیٹ بھی سامنے آگئی۔

اے آر وائی نیوز کی رپورٹ کے مطابق سینیٹ الیکشن میں خرید و فروخت کے حوالے سے ویڈیو کے بعد واٹس ایپ چیٹ بھی سامنے آگئی، جو مسلم لیگ ن سے تعلق رکھنے والے امیدوار عباس آفریدی کے دست راست کی ہے۔

واٹس ایپ چیٹ میں عادل شاہ نامی شخص کو لیگی امیدوارعباس آفریدی کے مبینہ مڈل مین عادل شاہ تحریک انصاف کے رکن صوبائی اسمبلی عبد السلام آفریدی کو ووٹ فروخت کرنے کی پیش کش کی۔

مزید پڑھیں: علی حیدر گیلانی سے ملاقات کرنے والے تحریک انصاف کے اراکین کی شناخت ہوگئی

واٹس ایپ چیٹ میں عادل شاہ نے بتایا کہ ’میرا کمیشن پچاس فیصد ہوگا، کل ہماری ٹیم نے دو اراکین سے سودا فائنل کر کے رقم اُن کے حوالے کردی ہے‘۔

چیٹ میں عادل شاہ نے لکھا کہ ’مجھےاس میں صرف30لاکھ کاحصہ ملےگا، پارٹی آپ کو 10 دے یا 20، اس میں آپ دونوں کی رضامندی ہوگی،کل تک کا ریٹ6 تھا، آج ہم نے2 اراکین سے 8میں بات فائنل کرلی ہے‘۔

واٹس ایپ چیٹ میں دیکھا جاسکتا ہے کہ مبینہ طور پر تحریک انصاف کے رکن صوبائی اسمبلی عبدالسلام آفریدی نے عادل شاہ کو جواب دیا کہ ’حالات بہت سخت ہیں کوئی کسی پراعتمادنہیں کر رہا‘۔

یہ بھی پڑھیں: علی حیدر گیلانی نے ویڈیو کی تصدیق کردی

اس بات پر لیگی امیدوار کے دستِ راست نے جواب دیا کہ ’آپ کی عزت اور وقار ہمارے لیے قابل قدر ہے‘۔ اس پیغام پر تحریک انصاف کے رکن اسمبلی نے کہا کہ ’ایسا نہ ہوہم دونوں خراب ہوجائیں‘۔ اس خدشے پر مڈل مین نے یقین دہانی کرائی کہ ’میں آپ کو 100 فیصد گارنٹی دیتا ہوں کہ اسیا نہیں ہوگا’۔

Comments

یہ بھی پڑھیں