The news is by your side.

Advertisement

نیشنل سیکیورٹی کمیٹی کی تشکیل کے لیے سینیٹ میں پٹیشن جمع

اسلام آباد : پارلیمینٹ کی نیشنل سیکیورٹی کمیٹی کو دوبارہ تشکیل دینے کے لیے پٹیشن سینیٹ میں جمع کرادی گئی۔

تفصیلات کے مطابق پاکستان پیپلز پارٹی کی نائب صدر سینیٹر شیری رحمان نے پارلیمینٹ کی نیشنل سکیورٹی کمیٹی کی دوبارہ تشکیل دینے کی پٹیشن سینیٹ میں جمع کرا دی ہے۔

اس موقع پر شیری رحمان نے کہا کہ چیئرمین پیپلز پارٹی بلاول بھٹو زرداری تعریف کے مستحق ہیں کہ جنہوں نے آل پارٹیز کانفرنس میں قومی سلامتی کمیٹی کی تشکیل نو کے مسئلے کو اٹھایا۔

شیری رحمان نے وزیر اعظم کی کمیٹی کی تشکیل پر رضامندی اور اس معاملے پر چیئرمین سینٹ کی مسلسل حمایت اور اقدامات کی تعریف بھی کی۔

شیری رحمان نے کہا کہ یہ کمیٹی حکومت اور ملک کے مفاد میں ہے اس کو دوبارہ تشکیل دینے کی ضرورت ہے۔ پٹیشن کی پی ایم ایل کیو، پی ایم ایل ایف، جے آئی، اے این پی، ایم کیو ایم، بی این پی، جے یو آئی ایف اور دیگر پارٹیز نے حمایت کر دی۔

یاد رہے کہ پارلیمینٹ کی نیشنل سیکیورٹی کمیٹی پاکستان پیپلز پارٹی نے سال 2008ء میں تشکیل دی تھی جس کا مقصد ملک کے سیکیورٹی معاملات میں حکومت کی رہنمائی کرنا تھا، موجودہ حکومت نے اس کمیٹی کی دوبارہ تشکیل نہیں کی۔

Comments

comments

یہ بھی پڑھیں