اسلام آباد: ن لیگ کو ایک اور دھچکا، الیکشن کمیشن نے سینیٹ انتخابات کے لیے مسلم لیگ (ن) کے رہنما اسحاق ڈار کے کاغذات نامزدگی مسترد کردیے۔
تفصیلات کے مطابق اسحاق ڈار کوسینیٹ میں پہنچانے کی ن لیگ کی کوشش ناکام ثابت ہوئی. سینیٹ الیکشن کے لیے مفرور اسحاق ڈارکے جعلی دستخط سے کاغذات جمع کرائے گئے تھے، جو مسترد ہوگئے.
یاد رہے کہ اسحاق ڈار نے مسلم لیگ ن کی جانب سے سینیٹ میں ٹیکنو کریٹ کی سیٹ پر کاغذات جمع کروائے تھے۔ پی ٹی آئی نے اسحاق ڈارکے کاغذات میں جعلسازی کوچیلنج کیا تھا۔
آج الیکشن کمیشن نے سینیٹ انتخابات کے لئے سابق وزیر خزانہ اور اشتہاری قرار پانے والے اسحاق ڈار کے کاغذات نامزدگی پر پاکستان تحریک انصاف کی درخواست کی سماعت کی۔
اسحاق ڈارکوسینیٹ کا ٹکٹ مل گیا، حنا کھرکے بھی کاغذات نامزدگی جمع
الیکشن کمیشن نے اسحاق ڈار کے وکیل کو بنیک اکاؤنٹ کی مصدقہ کاپیاں جمع کرانے کے لیے وقت دیا، البتہ مقررہ وقت میں وکیل کی جانب سے مصدقہ کاپیاں جمع نہیں کروائی جاسکیں۔ الیکشن کمیشن نے اسحاق ڈار کے کاغذات نامزدگی کو مسترد کردیا۔
واضح رہے کہ تحریک انصاف نے اسحاق ڈار کی سینیٹ میں نامزدگی کو الیکشن کمیشن میں چیلنج کرتے ہوئے موقف اختیار کیا کہ اسحاق ڈار اشتہاری اور بددیانت ہیں اور سینیٹ انتخابات کے اہل نہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں
