اسلام آباد : سینیٹ میں چین سےاظہار یکجہتی اوراظہار تشکر کی قرارداد متفقہ طورپر منظور کرلی گئی، جس میں کورونابحران میں پاکستان کی معاونت اور مدد کرنے پر چین کا شکریہ ادا کیا گیا۔
تفصیلات کے مطابق چیئرمین سینیٹ صادق سنجرانی کی زیر صدارت سینیٹ کا اجلاس ہو، جس میں چین سےاظہار یکجہتی اوراظہار تشکر کی قرارداد متفقہ طورپر منظور کرلی گئی، قراردادراجہ ظفر الحق نے پیش کی۔
قرارداد میں کہا گیا کہ کورونابحران میں پاکستان کی معاونت اور مددکرنےپرچین کاشکریہ اداکرتےہیں، چین نےپاکستان کو طبی سامان ،ڈاکٹرز کے لئےحفاظتی سامان بھیجا۔
قرارداد کے متن میں کہا گیا کہ پاکستان اورچین ملکرمشترکہ دشمن کوروناکامقابلہ کر رہے ہیں، چین کےخلاف پروپیگنڈے کو مسترد کرتے ہیں۔
یاد رہے اس سے قبل فروری میں سینیٹ میں کورونا وائرس سے لڑنے والے ملک چین کی حمایت اور اظہار یکجہتی کے لیے پیش کی گئی قرارداد متفقہ طور پر منظور کی گئی تھی، سینیٹ قرار داد میں لگن، ہمت اور حوصلے کے ساتھ اس وبا کا مقابلہ کرنے پر چین کی حکومت اور عوام کی تعریف بھی کی گئی تھی۔
خیال رہے کورونا کیخلاف جنگ میں چین پاکستان کے شانہ بشانہ ہیں اور امدادی سامان کی آمد کا سلسلہ بھی جار ی ہے جبکہ چین طبی ماہرین بھی پاکستان بھیج چکا ہے۔