The news is by your side.

Advertisement

اسلام آباد : سینیٹ کا ہنگامہ خیز اجلاس تئیس جولائی منگل کو تین بجے طلب

اسلام آباد : چئیرمین سینیٹ صادق سنجرانی نے سینیٹ کا ہنگامہ خیز اجلاس تئیس جولائی کو تین بجے طلب کرلیا، اجلاس میں تحریک عدم اعتماد پربحث کی جائےگی۔

تفصیلات کے مطابق سینیٹ کا ہنگامہ خیز اجلاس تئیس جولائی کو تین بجے طلب کرلیا گیا، مذکورہ اجلاس چئیرمین سینیٹ صادق سنجرانی نے اپوزیشن کی ریکوزیشن پر اجلاس طلب کیا۔اس حوالے سے ذرائع کا کہنا ہے کہ اجلاس میں تحریک عدم اعتماد پر بحث کی جائےگی۔

مزید پڑھیں: اپوزیشن کا چیئرمین سینیٹ صادق سنجرانی کو ہٹانے کا فیصلہ، مشترکہ امیدوار کے نام کا اعلان

تفصیلات کے مطابق متحدہ اپوزیشن کی رہبر کمیٹی نے چئیرمین سینیٹ صادق سنجرانی کو عہدے سے ہٹانے کا حتمی فیصلہ کرلیا ہے۔ جس کے مطابق میر حاصل بزنجو کا نام چیئرمین سینٹ کیلیے منظور کیا گیا ہے۔

اپوزیشن کے گیارہ اراکین پر مشتمل رہبر کمیٹی کے پہلے اجلاس میں اپوزیشن کی نو سیاسی جماعتوں کے رہنماؤں سمیت رہبر کمیٹی کے تمام ممبران نے شرکت کی۔

مزید پڑھیں: ہم سب صادق سنجرانی کے ووٹرز ہیں: شفقت محمود

دوسری جانب وفاقی وزیر تعلیم شفقت محمود نے کہا ہے کہ ہم سب چیئرمین سینیٹ صادق سنجرانی کے ووٹرز ہیں، اے آر وائی نیوز کے پروگرام آف دی ریکارڈ میں گفتگو کرتے ہوئے ان کا کہنا تھا کہ صادق سنجرانی کی جماعت ہماری حلیف ہے، ان کی پوری مدد کریں گے۔

Comments

یہ بھی پڑھیں