The news is by your side.

Advertisement

نگراں وزیراعظم کے نام پر اب تک اتفاق نہ ہونا قابل افسوس ہے، سراج الحق

لاہور : امیر جماعت اسلامی پاکستان سینیٹر سراج الحق نے کہا ہے کہ نگراں وزیراعظم کے نام پر اب تک اتفاق نہ ہونا افسوسناک بات ہے، سیاست دان کسی معاملے پر متفق نہیں ہوتے تو پھر فیصلے کہیں اور ہوتے ہیں۔

ان خیالات کا اظہار انہوں نے جماعت اسلامی کے مرکز منصورہ لاہور میں افطار ڈنر کے موقع پر میڈیا سے گفتگو کرتے ہوئے کیا، سراج الحق نے کہا کہ احتساب کا عمل جلد مکمل ہونا چاہیے، ادھورا احتساب مزید خرابیوں کا باعث بنتا ہے۔

نگراں وزیراعظم کے نام پر تمام سیاسی جماعتوں میں اب تک اتفاق ہوجانا چاہیے تھا، اگر سیاست دان کسی معاملے پر متفق نہیں ہوتے تو پھر فیصلے کہیں اور ہوتے ہیں۔

مزید پڑھیں: سراج الحق نے بجٹ کو معاشی زبوں حالی کی تصویر قرار دے دیا

امیر جماعت اسلامی کا مزید کہنا تھا کہ گزشتہ روز او آئی سی کے اجلاس میں ترک صدر رجب طیب اردوان نے جرات کا مظاہرہ کیا، ان کی طرح دیگر اسلامی ممالک کے حکمرانوں کو بھی جرات کا مظاہرہ کرنا چاہیے اور بیت المقدس کی آزادی کیلئے عالم اسلام کو طیب اردوان کاساتھ دینا چاہیے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔ 

Comments

comments

یہ بھی پڑھیں