The news is by your side.

Advertisement

خلائی مخلوق زمین کا کام زمین پرچھوڑدے، الیکشن کے التواء کا جواز نہیں، سراج الحق

لاہور : امیر جماعت اسلامی سینیٹر سراج الحق نے کہا ہے کہ خلائی مخلوق زمین کا کام زمین پر چھوڑے، افواہیں تو گردش میں ہیں لیکن الیکشن ملتوی کرنے کا کوئی جواز نہیں۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، سراج الحق نے کہا کہ بروقت انتخابات کا انعقاد چاہتے ہیں، افواہیں تو بہت گردش میں ہیں لیکن الیکشن ملتوی کرنے کا کوئی جواز نہیں ہے، الیکشن کمیشن کو انتخابی نظام پرعوام کے اعتماد کو بحال کرنا ہوگا۔

ان کا کہنا تھا کہ ہر شخص پر اس کی حیثیت کے مطابق ٹیکس لگانا چاہیے، چیف جسٹس ثاقب نثار نے جو ایکشن لیا ہم اس کی حمایت کرتے ہیں، سو روپے کے موبائل کارڈ پر40روپے کا ٹیکس کہاں کا انصاف ہے، وفاقی حکومت نے عوام پر ٹیکسز کے نئے بوجھ ڈال دیئے ہیں۔

امیر جماعت اسلامی کا مزید کہنا تھا کہ نگراں وزیراعظم کیلئے ایسا شخص ہونا چاہیے جو غیر جانبدار ہو، غیرجانبدار شخص کے نام پراتفاق کیا گیا تو ہم اس کی حمایت کرینگے، وزیر اعظم نے اس حوالے سے مشاورت کی تو ملک اور قوم کے مفاد کیلئے بہترین مشورہ دینگے۔

انہوں نے بتایا کہ وزیراعلیٰ خیبرپختونخوا نے نگراں کابینہ کیلئے ہم سے اب تک مشاورت نہیں کی،  مینار پاکستان پر13مئی کا جلسہ سیاست کو نیا رخ دے گا، یہ جلسہ ماضی کے تمام سیاسی ریکارڈ توڑ ڈالے گا۔

سراج الحق کا ایک سوال کے جواب میں کہنا تھا کہ خلائی مخلوق زمین کا کام زمین پر چھوڑ دے، ہماری خواہش ہے ماضی کی روایات کو چھوڑ کر آگے بڑھیں، اس قسم کی باتوں سے ووٹرکا اعتماد ختم ہورہا ہے۔

انہوں نے کہا کہ نوازشریف اور عمران خان نے نادیدہ قوتوں سے متعلق بیانیہ دیا، ان کے بیانیے نے بیلٹ بکس اور پولنگ پر عوام کا اعتماد مجروح کیا، خلائی مخلوق جیسے یانات سے انتخابی نظام کی چولیں ہل گئی ہیں۔

Comments

comments

یہ بھی پڑھیں