The news is by your side.

‘ یہ فارن فنڈنگ نہیں، حب الوطنوں کی فنڈنگ ہے ‘

پاکستان تحریک انصاف کے رہنما وسینیٹر فیصل جاوید نے الیکشن کمیشن کے فیصلے پر کہا ہے کہ یہ فارن فنڈنگ نہیں بلکہ حب الوطنوں کی فنڈنگ ہے۔

پی ٹی آئی رہنما اور سینیٹر فیصل جاوید نے الیکشن کمیشن کے پی ٹی آئی کے ممنوعہ فنڈنگ فیصلے پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔

فیصل جاوید نے اپنے ٹوئٹ میں لکھا ہے کہ یہ فارن فنڈنگ نہیں بلکہ حب الوطنوں کی فنڈنگ ہے، پاکستانی خود اپنے ملک کو چلا رہے ہیں۔

پی ٹی آئی رہنما نے مزید لکھا کہ عظیم جذبہ حب الوطنی سے سرشار تمام پاکستانیوں کو سلام۔

 

واضح رہے کہ آج الیکشن کمیشن نے پی ٹی آئی کی ممنوعہ فنڈنگ کیس کا محفوظ فیصلہ سناتے ہوئے مختصر فیصلے میں کہا گیا کہ پی ٹی آئی کے خلاف ممنوعہ فنڈنگ ثابت ہوتی ہے، پی ٹی آئی نے تیرہ اکاؤنٹس کی تفصیلات نہیں دیں۔

تحریک انصاف نے الیکشن کمیشن کا فیصلہ متفقہ طور پر مسترد کرتے ہوئے الیکشن کمیشن کے خلاف احتجاج کے فیصلے کو برقرار رکھا ہے۔

یہ بھی پڑھیں: تحریک انصاف نے الیکشن کمیشن کا فیصلہ متفقہ طور مسترد کردیا

عمران خان کی زیر صدارت اجلاس میں پی ٹی آئی قیادت نے کہا کہ پہلے دباؤ میں آئے نہ اب آئیں گے، الیکشن کمیشن کا فیصلہ بد نیتی پر مبنی ہے۔

Comments

یہ بھی پڑھیں