سینیٹ میں اپوزیشن لیڈر شہزاد وسیم نے الیکشن کمیشن کے فیصلے پر کہا ہے کہ فارن فنڈنگ کا بیانیہ بھی پٹ گیا اب سازشیں چھوڑو، الیکشن کی تیاری کرو۔
سینیٹ میں اپوزیشن لیڈر شہزاد وسیم نے الیکشن کمیشن کے پی ٹی آئی کے ممنوعہ فنڈنگ فیصلے پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
شہزاد وسیم نے اپنے ٹوئٹ میں لکھا ہے کہ فارن فنڈنگ کا بیانیہ بھی پٹ گیا، ناقابل شکست پی ٹی آئی کے خلاف اپوزیشن کا ہر حربہ ناکام ہو رہا ہے۔
پی ٹی آئی رہنما نے مزید لکھا کہ عمران خان پاکستان کے مقبول ترین لیڈر اور تحریک انصاف سب سے بڑی عوامی جماعت ہے۔ اب سازشیں چھوڑو اور الیکشن کی تیاری کرو۔
آج فارن فنڈنگ کا بیانیہ بھی پِٹ گیا – سیاسی میدان میں ناقابل شکست پی ٹی آئی کے خلاف اپوزیشن کا ہر حربہ ناکام ہو رہا ہے۔عمران خان پاکستان کے مقبول ترین لیڈر اور تحریک انصاف سب سے بڑی عوامی جماعت ہے۔
سازشیں چھوڑو ۔ الیکشن کی تیاری کرو— Senator Dr. Shahzad Waseem (@dswpti) August 2, 2022
واضح رہے کہ آج الیکشن کمیشن نے پی ٹی آئی کی ممنوعہ فنڈنگ کیس کا محفوظ فیصلہ سناتے ہوئے مختصر فیصلے میں کہا گیا کہ پی ٹی آئی کے خلاف ممنوعہ فنڈنگ ثابت ہوتی ہے، پی ٹی آئی نے تیرہ اکاؤنٹس کی تفصیلات نہیں دیں۔
یہ بھی پڑھیں: پی ٹی آئی کیخلاف غیر قانونی فنڈز ثابت، الیکشن کمیشن کا بڑا فیصلہ
الیکشن کمیشن نے پی ٹی آئی ممنوعہ فنڈنگ کیس کا تحریری فیصلے میں پی ٹی آئی کو فنڈنگ ضبط کرنے کیلئے نوٹس جاری کرتے ہوئے قانون کے مطابق اقدامات کرنے کا حکم دیا ہے۔
مذکورہ فیصلے کے بعد تحریک انصاف نے الیکشن کمیشن کے فیصلے کو چیلنج کرنے اور شوکاز نوٹس کا بھرپور جواب دینے کا اعلان کیا ہے۔
