اندور : بھارتی ریاست مدھیہ پردیش کے شہر اندور میں ایک افسوسناک واقعہ پیش آیا ہے جسے دیکھ کر لوگوں میں حیرت اور غم کے پہاڑ ٹوٹ پڑے۔
مدھیہ پردیش کے شہر اندور میں بلدیہ کا غیر ذمہ دارانہ چہرہ اس وقت سامنے آیا جب بے سہارا اور ضعیف العمر افراد کو ایک کچرا گاڑی میں جانوروں کی طرح بھر کر شہر کے باہر چھوڑنے کی کارروائی کی جارہی تھی۔
In India’s cleanest city team of Indore Municipal Corporation dumped aged destitutes on outskirts, later when villagers opposed lugged them back on truck, 2 officials suspended one transferred @ndtv @soniandtv @Suparna_Singh @manishndtv @vinodkapri @rohini_sgh @GargiRawat pic.twitter.com/mLAWc0Pdcd
— Anurag Dwary (@Anurag_Dwary) January 29, 2021
بھارتی میڈیا کے مطابق محکمہ بلدیات کی کچرے کی گاڑی جب بزرگوں کو جانوروں کی طرح بھر کر شہر سے دور چھوڑنے جارہی تھی اس دوران مقامی لوگوں نے واقعہ کی ویڈیو بنانا شروع کر دی، لوگوں کو ویڈیو بناتے دیکھ کر بلدیہ کے عملہ نے ان بزرگوں کو گاڑی میں واپس بھرا اور چلے گئے۔
ویڈیو بنانے والے راجیش جوشی نامی شہری نے میڈیا کو بتایا کہ اندور میونسپل کارپوریشن کے ملازمین کچرا گاڑی میں کچھ بزرگوں کو بھر کر لائے تھے جن کو وہ یہاں اتار رہے تھے، ان بزرگوں کی جسمانی حالت بہت خراب تھی اور وہ سب بوڑھے اور کمزور تھے۔
شہری کا کہنا تھا کہ جب میں نے عملے سے پوچھا کہ ان کو یہاں کیوں لائے ہو تو کہنے لگے کہ ہمیں سرکار کا حکم ہے کیونکہ یہ لوگ اندور میں پریشانی کھڑی کر رہے ہیں اور گندگی بھی پھیلا رہے ہیں ۔ جس کے بعد ہم نے بلدیہ کی گاڑی رکوائی اور تمام بزرگوں کو گاڑی میں بٹھا کر واپس بھجوا دیا۔
