پاکستان میں صحافت کا درخشندہ ستارہ غروب ہوا ، نامور پاکستانی صحافی اور سابق نگراں وفاقی وزیر عارف نظامی انتقال کرگئے۔
تفصیلات کے مطابق عارف نظامی گزشتہ دو ہفتوں سے لاہور کے مقامی اسپتال میں زیر علاج تھے جہاں وہ آج خالق حقیقی سے جاملے۔
عارف نظامی انگریزی اخبار پاکستان ٹوڈے کے بانی و ایڈیٹر اور نوائے وقت اخبار گروپ کے بانی حمید نظامی کے بیٹے تھے۔
وزیراعظم عمران خان نے سینئر صحافی عارف نظامی کے انتقال پر اظہار افسوس کیا ہے، ٹوئٹر پر جاری اپنے بیان میں وزیراعظم نے لواحقین سے اظہار تعزیت اور مرحوم کے بلند درجات کی دعا کی۔
Saddened to learn of the passing of veteran journalist, editor and political commentator Arif Nizami. My condolences and prayers go to his family.
— Imran Khan (@ImranKhanPTI) July 21, 2021
وفاقی وزیر اطلاعات فواد چوہدری نے بھی عارف نظامی کے انتقال پر اظہار افسوس کرتے ہوئے کہا کہ عارف نظامی کی رحلت کا سن کر دل بجھ گیا ہے، ان سے طویل تعلق تھا، تحریک پاکستان میں عارف نظامی کےوالد حمیدنظامی اور میرےدادا،تایاہمسفر تھے، اسی تعلق سے ان سے وہی تعلق رہا جو خاندان کے بزرگوں سےہوتا ہے۔
عارف نظامی صاحب کی رحلت کا سن کر دل بجھ گیا ہے، ان سے طویل تعلق تھا، تحریک پاکستان میں ان کے والد حمید نظامی اور میرے دادا چوہدری اویس اور تایا چوہدری الطاف حسین ہمسفر تھے اسی تعلق سے ان سے وہی تعلق رہا جو خاندان کے بزرگوں سے ہوتا ہے خدا غریق رحمت کرے pic.twitter.com/AnUJFpUflZ
— Ch Fawad Hussain (@fawadchaudhry) July 21, 2021
وزیر داخلہ شیخ رشید نے بھی نامور صحاٖفی کے انتقال پر انتہائی دکھ اور افسوس کا اظہار کیا، ٹوئٹر پر جاری بیان میں شیخ رشید نے کہا کہ نوائے وقت گروپ کے نظامی خاندان سے پانچ دہائیوں سے ایک ذاتی تعلق ہے، عارف نظامی صاحب کی رحلت میرے لئے کسی بھی ذاتی نقصان سے کم نہیں، اللہ تعالیٰ مرحوم کو غریق رحمت کرے، ان کے لواحقین کو صبر جمیل عطا کرے۔
معروف صحافی اور پبلشر عارف نظامی صاحب کی رحلت پرانتہائی دکھ ہوا۔
نوائے وقت گروپ کے نظامی خاندان سے پانچ دہائیوں سے ایک ذاتی تعلق ہے۔
عارف نظامی صاحب کی رحلت میرے لئے کسی بھی ذاتی نقصان سے کم نہیں۔
اللہ تعالیٰ مرحوم کو غریق رحمت کرے۔ ان کے لواحقین کو صبر جمیل عطا کرے۔
— Sheikh Rashid Ahmed (@ShkhRasheed) July 21, 2021
سابق آصف زرداری نے سینئرصحافی عارف نظامی کےانتقال پر اظہار افسوس کیا ہے، اپنے تعزیتی بیان میں آصف زرداری نے کہا کہ عارف نظامی کے انتقال کی خبر سن کر بہت رنجیدہ ہوں، مرحوم صحافت میں معتبر مقام رکھتےتھے۔
صدر مملکت ڈاکٹر عارف علوی کا سینئر صحافی عارف نظامی کی وفات پر اظہار افسوس
صدر مملکت کا عارف نظامی کی وفات پر گہرے رنج وغم کا اظہار
مرحوم کی صحافت کے شعبے میں گراں قدر خدمات کو ياد رکھا جائے گا، صدر مملکت
صدر مملکت کی مرحوم کی مغفرت اور اہل خانہ کیلئے صبر جمیل کی دعا
— The President of Pakistan (@PresOfPakistan) July 21, 2021
