بھارت: سچ لکھنے کی پاداشت میں خاتون صحافی قتل senior journalist
The news is by your side.

Advertisement

بھارت: سچ لکھنے کی پاداش میں خاتون صحافی قتل

نئی دہلی: بھارتی ریاست بنگلور سے رکھنے والی سینئر خاتون صحافی غوری لانکیش کو  نامعلوم افراد نے فائرنگ کر کے قتل کردیا۔

بھارتی میڈیا کے مطابق بنگلور سے تعلق رکھنے والی خاتون صحافی جو ہندو انتہاء پسندوں کے خلاف کھل کر لکھتی تھی انہیں نامعلوم مسلح افراد نے گھر میں گھس کر فائرنگ کر کے قتل کردیا۔

غوری لانکیشن ہندو انتہاء پسندوں اور مودی سرکار کی پالیسیوں کے خلاف کھل کر اپنی رائے کا اظہار کرتی تھیں۔ کرناٹک کے وزیر داخلہ کا کہنا ہے کہ خاتون صحافی کو 7 گولیاں ماری گئیں۔

وزیرداخلہ کرناٹک کے مطابق خاتون صحافی کو اُس وقت نشانہ بنایا گیا جب وہ گھر میں داخل ہورہی تھیں، نامعلوم مسلح افراد اُن کی رہائش گاہ میں زبردستی داخل ہوئے اور فائرنگ کر کے فرار ہوگئے۔ راملینگا ریڈی کے مطابق خاتون صحافی کو دھمکیاں موصول ہورہی تھیں اُس کے باوجود ان کے پاس کسی قسم کی کوئی سیکیورٹی موجود نہیں تھی۔

غوری لانکیش ہفتہ روز مقامی میگزین سے منسلک تھیں اور اُن کے کالمز مختلف اخبارات میں شائع ہوتے تھے جبکہ وہ مقامی ٹیلی ویژن کے لیے بھی صحافتی امور سرانجام دے رہی تھیں۔

بھارتی صحافتی تنظیم کے مطابق ایک سال کے اندر 40 صحافیوں کو مختلف علاقوں میں قتل کیا جاچکا ہے جو قابل تشویش ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں