The news is by your side.

Advertisement

(ق) لیگ کو بڑا دھچکا، چوہدری برادران کے قریبی ساتھی پارٹی چھوڑ گئے

ڈسکہ: پنجاب میں (ق) لیگ کو بڑا دھچکا، چوہدری برادران کے قریبی ساتھی اور دست راست پی ٹی آئی کو پیارے ہوگئے۔

تفصیلات کے مطابق سینئر نائب صدر مسلم لیگ (ق) پنجاب سلیم بریار نے تحریک انصاف میں شمولیت اختیار کرلی ہے، سلیم بریار نے شمولیت سینیٹر سیف اللہ نیازی، اعجازچوہدری کی موجودگی میں کی، اس موقع پر فردوس عاشق اعوان اور احسن سلیم بریاربھی موجود تھے۔

سلیم بریار کا شمار (ق) لیگ کے سرکردہ رہنماؤں میں کیا جاتا تھا، وہ چوہدری برادران کے قریبی ساتھی اور دست راست تھے۔

یہ بھی پڑھیں: دبئی میں عشرت العباد اور فاروق ستار کی ملاقات، یکجا ہوکر حکمت عملی بنانے پر اتفاق

پی ٹی آئی میں شمولیت کے موقع پر سلیم بریار کا کہنا تھا کہ بیٹا پی ٹی آئی سے ایم پی اے ہےتوباپ کیسےدوسری پارٹی میں رہتا؟۔

سلیم بریار نے کہا کہ عالمی بحرانوں میں عمران خان ہی پاکستان کی واحد امید ہیں، عمران خان کے قد کا کوئی دوسرا رہنما ہمارے پاس نہیں، وزیراعظم ملک کو درپیش مسائل سےجلدنکال لیں گے۔

واضح رہے کہ رواں سال اگست میں وزیر اعلیٰ پنجاب عثمان بزدار نے سیالکوٹ سے نو منتخب ایم پی اے احسن سلیم بریار کو اپنا معاون خصوصی مقررکیا تھا، سلیم بریار،احسن سلیم بریار کے والد ہیں۔

Comments

یہ بھی پڑھیں