لاہور میں پانچ ہزار سے زائد حساس عمارتوں کی جیو ٹیگنگ -
The news is by your side.

Advertisement

لاہور میں پانچ ہزار سے زائد حساس عمارتوں کی جیو ٹیگنگ

لاہور : پولیس نے پانچ ہزار سے زائد حساس عمارتوں کو جیو ٹیگ کر لیا۔ روزانہ کی بنیاد پر اینڈرائیڈ فون ایپ کے ذریعے حفاظتی انتظامات کا جائزہ لیا جائے گا۔

تفصیلات کے مطابق لاہور میں حساس عمارتوں کی تفصیل اور معلومات ریکارڈ کرنے کیلئے پولیس نے پانچ ہزار سے زائد حساس عمارتوں کو جیو ٹیگ کر لیا۔

جیو ٹیگ کی گئی عمارتوں میں بنکس، ہوٹل ،فیکٹریز، فلنگ اسٹیشن، سرکاری دفاتر ،ہسپتال ،مارکیٹس ،مذہبی ،ریسٹورنٹ ،اسکول ، پارکس اور سیاسی دفاتر شامل ہیں۔

ڈی آئی جی آپریشنزڈاکٹرحیدراشرف کا کہنا ہے جیو ٹیگنگ کے بعد روزانہ چیکنگ کا نظام وضع کرنے کے لئے متعلقہ افسران کی ذمہ داری لگادی گئی ہے۔

ڈی آئی جی آپریشنز کا کہنا تھا کہ بہت جلد دیگر تمام حساس عمارات کو بھی جیو ٹیگ کرلیا جائے گا اور روزانہ کی بنیاد پر اینڈرائیڈ فون ایپ کے ذریعے حفاظتی انتظامات کا جائزہ لیا جائے گا۔

Comments

comments

یہ بھی پڑھیں