گھوٹکی میں سیپکو کے سپرنٹنڈنٹ انجیئر غلام علی تینو نے آئس استعمال کرنے اور نشے کا عادی ہونے کا اعتراف کیا ہے جس کی ویڈیو سوشل میڈیا پر وائرل ہوگئی۔
ایس ای سیپکو گھوٹکی سرکل غلام علی تنیو وائرل وڈیو میں عملے کوکہہ رہے ہیں کہ وہ بھی نشے کےعادی ہیں، آئس پیتے ہیں، آئس پی کر کام کرتے ہیں، آپ بھی کام کریں جو صارف آپ سے بات کرے اسے مار دو، اس پر فائر کردو۔
وائرل ویڈیو میں غلام علی تنیو سیپکو اسٹاف کو یہ بھی کہہ رہا ہے نوکری کرنی ہے تو کام کرو۔ جو بھی آئے بھلے اسے گولی مار دو، فائر کردو، ایف آئی آر کٹوا دو۔
ویڈیو اولڈ سکھر میں دوران آپریشن بنائی گئی ہے۔
سیپکو اسٹاف نے دو روز پہلے پنو عاقل میں سپرنٹنڈنٹ انجنیئر کے رویے اور ملازمین سے تلخ کلامی پر احتجاج کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں