The news is by your side.

آغاز ہی اختتام بن گیا، سیرینا ولیمز ومبلڈن سے آؤٹ

لندن: امریکی ٹینس اسٹار سرینا ولیمز کا ومبلڈن کا آغاز ہی اختتام بن گیا۔

میڈیا رپورٹ کے مطابق ایونٹ کے پہلے ہی میچ میں سرینا کو فرنچ کھلاڑی ہارمونی ٹین کے ہاتھوں اپ سیٹ شکست کا منہ دیکھنا پڑا۔

کھیل کے آغاز پر سابق عالمی نمبر ون سرینا کو ڈیبیو کرنے والی ہارمونی نے پہلا سیٹ اپنے نام کیا تو شائقین میں سنسنی پھیل گئی، تاہم دوسرے سیٹ میں سرینا نے شاندار کم بیک کرتے ہوئے دوسرا سیٹ جیت کر مقابلہ برابر کیا۔

تیسرے سیٹ میں ڈیبیو کرنے والی ہارمونی نے ٹائی بریکر پر جیت کر سرینا کو ایونٹ سے باہر کردیا۔

یہ بھی پڑھیں: ومبلڈن ٹائٹل سیرینا ولیمز کے نام، اسٹیفی گراف کا ریکارڈ برابر

یہ مسلسل دوسرا موقع ہوگا جب وہ ومبلڈن ٹینس چمپئن شپ میں پہلے راؤنڈ میں باہر ہوگئیں۔

گذشتہ سال بھی سرینا ولیمز پہلے راؤنڈ کے میچ کے دوران انجری کا شکار ہو کر ومبلڈن سے آؤٹ ہوئی تھی، سرینا ولیمز اس وقت انجری کا شکار ہوئیں جب پہلے سیٹ میں مقابلہ تین، تین گیم سے برابر تھا، انجری کے باعث ٹینس اسٹار کی آبدیدہ تصاویر سوشل میڈیا پر وائرل ہوئی تھی۔

Comments

یہ بھی پڑھیں