ومبلڈن ٹائٹل سیرینا ولیمز کے نام، اسٹیفی گراف کا ریکارڈ برابر -
The news is by your side.

Advertisement

ومبلڈن ٹائٹل سیرینا ولیمز کے نام، اسٹیفی گراف کا ریکارڈ برابر

لندن:امریکی ٹینس اسٹار سیرینا ولیمز نے عورتوں کے سنگلز مقابلے میں جرمنی کی انجلیک کربر کو شکست دے کر ساتواں ومبلڈن کا ٹائٹل اپنے نام کرلیا ساتھ ہی انہوں نے اسٹیفی گراف کا 22 گرینڈ سلیم مقابلے جیتنے کا ریکارڈ بھی برابر کر دیا۔

ہفتے کو لندن میں کھیلے جانے والے فائنل میچ میں سیرینا ولیمز نے انجلیک کربر کو سات پانچ اور چھ تین سے شکست دی اور ایونٹ اپنے نام کیا۔ قبل ازیں گذشتہ برس بھی انہوں نے ومبلڈن ٹورنامنٹ جیتا تھالیکن وہ اس کے بعد سے اب تک کسی گرینڈ سلیم ٹائٹل میں فتح حاصل نہیں کرسکی تھیں تاہم اس بار انھوں نے انجلیک کربر کو شکست دے کر سابق جرمن کھلاڑی اسٹیفی گراف کا ریکارڈ برابر کر لیا۔

سرینا اور کربر کے درمیان سینٹر کورٹ پر 81منٹ طویل سخت مقابلہ ہوا، چوتھی سیڈ کربر کے پاس دفاعی چیمپیئن سرینا کی دھواں دھار سروس کا کوئی جواب نہیں تھا۔سرینا نے 13 ایسز کروا کر میچ اپنے نام کر لیا۔

میچ کے میڈیا سے گفتگو میں سرینا کا کہنا تھا کہ یہاں ہونا بہت شاندار لگ رہا ہے،انجلیک نے مجھے زبردست ٹینس کھیلنے پر مجبور کر دیا جب کہ انجلیک کربر نے کہا کہ ہم نے بہت اچھا میچ کھیلا،سینٹر کورٹ پر میچ کھیلنا اعزاز کی بات ہے۔

Comments

comments

یہ بھی پڑھیں