شاہدرہ، سات بچوں کا قاتل ذہنی مریض گرفتار serial-killer
The news is by your side.

Advertisement

شاہدرہ، سات بچوں کا قاتل ذہنی مریض گرفتار

لاہور: شاہدرہ میں ذہنی مریض نے 10 سالہ بچے کو قتل کرکے فرار ہو رہا تھا کہ پولیس کے ہتھے چڑھ گیا، سیریل کلراس سے قبل سات بچوں کو قتل کرچکا ہے۔

تفصیلات کے مطابق شاہدرہ کے علاقے میں ایک دس سالہ بچے کو شقی القلب شخص نے قتل کردیا جس کی لاش ملنے پر پورے محلے میں سراسمیگی پھیل گئی اوراہل خانہ غم سے نڈھال ہوگئے۔

پولیس نے واقعے کی اطلاع ملتے ہی جائے وقوعہ کا دورہ کیا اور ابتدائی شواہد اکٹھے کیے جس کے دوران ٹھوس شواہد ملنے کی وجہ سے ملزم کو پکڑنے میں کامیاب رہی۔

پولیس کا کہنا ہے کہ دس سالہ بچے کا قاتل ذہنی مریض ہے جو اسے سے قبل بھی 7 بچوں کو قتل کرچکا ہے جس کی تلاش کے لیے پولیس چھاپے مارہی تھی تاہم آج ملزم کوقتل کے بعد فرار ہوتے ہوئے گرفتار کر لیا گیا۔

علاقہ مکینوں کا کہنا ہے کہ یکے بعد دیگرے سات بچوں کے قتل پر شاہدرہ میں خوف کے سائے چھا گئے تھے اور لوگ اپنے بچوں کو باہر بھیجنے سے کتراتے تھے۔

اہل محلہ نے مزید کہا کہ پولیس کو بچوں کے قتل اور ذہنی مریض کی مشکوک حرکتوں کے حوالے سے کئی بار مطلع کیا تھا لیکن پولیس ملزم کو گرفتار کرنے میں ناکام رہی تھی تاہم اب ملزم کی گرفتاری سے علاقہ مکینوں نے سکھ کا سانس لیا ہے۔

Comments

comments

یہ بھی پڑھیں