The news is by your side.

Advertisement

کراچی: مصطفیٰ کمال کی کارکنان پر حملے کی شدید مذمت، گورنر سندھ نے واقعے کا نوٹس لے لیا

کراچی: پاک سرزمین پارٹی کے چیئرمین مصطفیٰ کمال نے اپنے کارکنان پر حملے کی شدید مذمت کرتے ہوئے مطالبہ کیا ہے کہ ملزمان کو فی الفور گرفتار کیا جائے۔

تفصیلات کے مطابق شہر قائد کے علاقے ناظم آباد میں پاک سرزمین پارٹی کے ٹاؤن آفس پر نامعلوم افراد نے فائرنگ کردی جس کے نتیجے 2 افراد جاں بحق اور 2 زخمی ہوگئے۔

سربراہ پی ایس پی کا کہنا ہے کہ 23اگست کو ایم کیو ایم پاکستان بنانے والے واقعے کے ذمہ دار ہیں، ہمارے کارکنوں پر حملہ بزدلانہ کارروائی ہے۔

مصطفیٰ کمال کا کہنا تھا کہ وفاق اور سندھ حکومت سے مطالبہ ہے واقعے کا نوٹس لیں، ہم کسی کونقصان نہیں پہنچا رہے، ہمیں اپنی سمت درست کرنے کی ضرورت ہے۔

کراچی، پی ایس پی کے دفتر پر فائرنگ، 2 افراد جاں بحق، 2 زخمی

دوسری جانب گورنر سندھ عمران اسماعیل نے ناظم آباد میں فائرنگ واقعے کا نوٹس لیتے ہوئے پی ایس پی کے 2 کارکنان کے جاں بحق ہونے پر افسوس کا اظہار کیا۔

ان کا کہنا تھا کہ واقعے میں ملوث عناصر کو جلد گرفتار کیا جائے گا۔

واضح رہے کہ فائرنگ سے زخمی ہونے والوں کو طبی امداد کے لیے عباسی شہید اسپتال منتقل کردیا گیا جہاں اظہر اور نعیم زخموں کی تاب نہ لاتے ہوئے دم توڑ گئے، دیگر زخمیوں کی شناخت فہد، ناصر کے ناموں سے ہوئی ہے۔

Comments

comments

یہ بھی پڑھیں