مقامی عدالت کا طیبہ اور اس کے والدین کو پیش کرنے کا حکم -
The news is by your side.

Advertisement

مقامی عدالت کا طیبہ اور اس کے والدین کو پیش کرنے کا حکم

اسلام آباد: ایڈشنل ڈسٹرکٹ اینڈ سیشن عدالت میں طیبہ تشدد کیس کی سماعت ہوئی۔ ایڈشنل سیشن جج نے آئندہ سماعت پر طیبہ کے والدین اور طیبہ کو عدالت میں پیش ہونے کی ہدایت کردی۔

تفصیلات کے مطابق طیبہ تشدد کیس کی سماعت آج ایڈیشنل ڈسٹرکٹ اینڈ سیشن جج اسلام آباد راجہ آصف محمود کی عدالت میں ہوئی۔ ایڈیشنل سیشن جج نے استسفار کیا کہ طیبہ کوعدالت میں کیوں پیش نہیں کیا گیا۔

ملزم کےوکیل کا کہنا ہے کہ طیبہ ابھی ریاست کی تحویل میں ہے،ابھی تک سپریم کورٹ نے بچی کی کسٹڈی نہیں دی۔

ہمارے ملک میں بچوں کے تحفظ کا قانون ہی نہیں، چیف جسٹس

عدالت نے آئندہ سماعت پر والدین اورطیبہ کو عدالت میں پیش ہونے کی ہدایت کر دی۔عدالت میں طلبی کے لیے والدین کو نوٹس جاری کردئے گئے۔

اس موقع پرملزم سیشن جج راجا خرم علی اوراہلیہ ماہین ظفربھی ایڈیشنل سیشن جج کی عدالت میں پیش ہوئے۔ ملزم راجا خرم علی اور ماہین ظفر کی عبوری ضمانت میں دس فروری تک توسیع کردی گئی۔

یاد رہے کہ طیبہ تشدد کیس کی خبریں میڈیا پر چلنے کے بعد سپریم کورٹ نے واقعے کا ازخود نوٹس لیتے ہوئے طیبہ کو ریاست کی تحویل میں لے لیا تھا اور معاملے میں سیشن جج کے ملوث ہونے کے سبب ازخود نوٹس لیتے ہوئے سماعت شروع کردی۔

Comments

comments

یہ بھی پڑھیں