پرویز مشرف کیخلاف غداری کیس، سیشن جج راؤ عبدالجبار خان خصوصی عدالت کے رجسٹرار مقرر
The news is by your side.

Advertisement

پرویز مشرف کیخلاف غداری کیس، سیشن جج راؤ عبدالجبار خان خصوصی عدالت کے رجسٹرار مقرر

لاہور : سیشن جج راؤ عبدالجبار خان کو سابق صدر جنرل ریٹائرڈ پرویز مشرف کے خلاف غداری کیس کے لیے قائم خصوصی عدالت کا رجسٹرار مقرر کر دیا گیا ہے۔

تفصیلات کے مطابق سابق صدر جنرل ریٹائرڈ پرویز مشرف کے خلاف غداری کیس کے لیے سیشن جج راو عبدالجبار خان کو خصوصی عدالت کا رجسٹرار مقرر کر دیا گیا ہے۔

وفاقی وزارت قانون و انصاف نے وزیر اعظم پاکستان کی منظوری کے بعد نوٹیفکیشن جاری کیا۔

سیشن جج راو عبدالجبار خان لاہور ہائیکورٹ میں ڈی جی ڈائریکٹوریٹ ڈسٹرکٹ جوڈیشری تعینات ہیں۔

چیف جسٹس لاہور ہائیکورٹ محمد یاور علی سابق صدر جنرل ریٹائرڈ پرویز مشرف کے خلاف غداری کے مقدمے کی سماعت کیلئے قائم خصوصی عدالت کے سربراہ ہیں۔

سیشن جج راو عبدالجبار خان خصوصی عدالت کی کارروائی کے دوران رجسٹرار کے فرائض سرانجام دیں گے۔

 


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں