The news is by your side.

Advertisement

شیخوپورہ میں بس الٹنے سے7 مسافرجاں بحق ‘ 30 زخمی

شیخوپورہ : صوبہ پنجاب کے شہر شیخوپورہ میں تیزرفتاری کے باعث بس الٹنے سے 7 مسافر جاں بحق جبکہ 30 افراد زخمی ہوگئے۔

تفصیلات کے مطابق شیخوپورہ کے علاقے صفدر آباد میں بس الٹنے سے 7 مسافر جاں بحق اور 30 زخمی ہو گئے جن میں سے 10 کی حالت تشویش ناک ہے۔

ریسکیو حکام کے مطابق افسوس ناک حادثے میں زخمی ہونے والے افراد کو قریبی اسپتالوں میں طبی امداد کے لے لیے منتقل کردیا گیا۔

وزیراعلٰی پنجاب شہباز شریف نے انسانی جانوں کے ضیاع پر دکھ اور افسوس کا اظہار کیا ہے اور انتظامیہ سے حادثے کے بارے میں رپورٹ طلب کر لی ہے۔

شہباز شریف نے ہدایت کی ہے کہ زخمی افراد کو علاج معالجے کی بہترین سہولتیں فراہم کی جائیں۔

پنجاب میں دوہولناک ٹریفک حادثات‘ 10افرادجاں بحق

خیال رہے کہ گزشتہ ماہ 21 مئی کو صوبہ پنجاب کے شہرلاہور اور سرگودھا میں دو خوفناک ٹریفک حادثات میں 10 افراد جاں بحق جبکہ 8 زخمی ہوگئے تھے۔

گوجرخان میں مسافر بس کو حادثہ‘ 9 افراد جاں بحق

یاد رہے کہ رواں سال 5 مارچ کو صوبہ پنجاب کی تحصیل گوجرخان میں مسافر بس تیزرفتاری کے باعث الٹ گئی تھی جس کے نتیجے میں 9 افراد جاں بحق جبکہ 29 افراد زخمی ہوگئے تھے۔

پولیس حکام کا کہنا تھا کہ مسافر بس ٹرک کو اوورٹیک کرتے ہوئے تیزرفتاری کے باعث حادثے کا شکار ہوئی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں