The news is by your side.

Advertisement

انڈیا: حفاطتی انتظامات کا فقدان، گٹر کھولنے کی کوشش میں سات افراد جان سے گئے

گجرات: بھارتی ریاست گجرات کے ایک ہوٹل میں حفاطتی اقدامات کے فقدان کے باعث سات افراد اپنی زندگی سے ہاتھ دھو بیٹھے.

تفصیلات کے مطابق  گجرات کے ضلع ودودارا میں ایک ہوٹل کے بند گٹر کو کھولنے کی کوشش میں سات افراد ہلاک ہو گئے۔

ہلاکتیں زہریلی گیس کے باعث ہوئیں، ہوٹل میں حفاظتی انتظامات کا فقدان ہے، گٹر کھولنے والے افراد کے پاس نہ تو ماسک تھے، نہ ہی دیگر انتظامات کیے گئے تھے.

ہلاک ہونے والوں میں چار سینیٹری ورکرز شامل تھے، ہوٹل کے تین ملازمین بھی اس خوف ناک حادثے کی لپیٹ میں آئے. عینی شاہدین کے مطابق گٹر کھولنے کی کوشش ایک ورکر نیچے اترا، مگر وہ واپس نہیں آیا.

مزید پڑھیں: دبئی میں خوفناک ٹریفک حادثہ، دو پاکستانی سمیت 17 ہلاک

بقیہ افراد مدد کے لیے یکے بعد دیگر گٹر میں‌اتر گئے، مگر زہریلی گیس کے باعث وہ سنبھل نہیں سکے.

واقعے کی اطلاعات ملتے ہی امدادی ٹیمیں پہنچ گئیں، مگر ان کی کوششیں بار آور ثابت نہیں ہوئیں.

پولیس کے مطابق سب ہی ہلاکتیں دم گھٹنے سے ہوئیں ہیں، تمام افراد بغیر احتیاطی تدابير کے گٹر میں داخل ہوئے تھے۔

Comments

comments

یہ بھی پڑھیں