کراچی : شہرقائد کے علاقے بلدیہ ٹاؤن میں واقع گھر میں آگ لگنے سے 7 افراد جھلس کر جاں بحق جبکہ 2 افراد زخمی ہوگئے۔
تفصیلات کے مطابق کراچی میں بلدیہ ٹاؤن کے علاقے ملنگ گوٹھ میں واقع مکان میں آگ لگنے سے خاتون اوربچوں سمیت 7 افراد جان کی بازی ہار گئے جبکہ 2 زخمی ہیں۔
ریسکیو حکام کے مطابق جاں بحق افراد میں خاتون گلزارہ بی بی اوربچے شامل ہیں،لاشوں اورزخمیوں کوسول اسپتال منتقل کردیا گیا۔
پولیس حکام کے مطابق ابتدائی تحقیقات سے پتہ چلا ہے کہ آگ لگنے کے وقت مکان میں خاتون اوراس کے 8 بچے موجود تھے، آتشزدگی میں خاتون گلزارہ بی بی اور6 بچوں کی موت واقع ہوئی۔
پولیس کے مطابق مکان میں آگ گلزارہ بی بی نے خود لگائی جن کا دماغی توازن درست نہیں تھا، خاتون نے گھر میں جیسے ہی آگ لگائی تو اس نے دیکھتے ہی دیکھتے پورے گھر کو اپنی لپیٹ میں لے لیا۔
پولیس حکام کے مطابق خاتون کے زخمی بیٹے نے بیان دیا کہ آگ اس کی ماں نے لگائی، گلزارہ بی بی کا 2 سال سے علاھ چل رہا تھا۔
کراچی: کورنگی کےگھر میں آتشزدگی‘ میاں بیوی جاں بحق
خیال رہے کہ گزشتہ ماہ 5 اپریل کو کراچی کےعلاقے کورنگی میں واقع گھر میں آگ لگنے سے میاں بیوی جھلس کر جاں بحق ہوگئے تھے۔
بعدازاں جاں بحق ہونے والے میاں بیوی کے قریبی رشتہ دار نے دعویٰ کیا تھا کہ قتل کے بعد واقعے کو حادثے کا رنگ دینے کے لیے آگ لگائی گئی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
