The news is by your side.

Advertisement

کراچی: ٹیکنکل فالٹ کی وجہ سے کئی علاقوں میں 18 گھنٹے لوڈ شیڈنگ، کے الیکٹرک فالٹ دور کرنے سے گریزاں

کراچی: ٹیکنیکل فالٹ کی وجہ سے کراچی کے کئی علاقوں میں بد ترین لوڈ شیڈنگ جاری ہے، کے الیکٹرک فالٹ دور کرنے سے گریزاں نظر آ رہی ہے۔

تفصیلات کے مطابق شہر کے مختلف حصے شدید لوڈ شیڈنگ کی زد میں ہیں، ملیر کے مختلف علاقوں میں گزشتہ 18 گھنٹے سے بجلی بند ہے۔

لوڈ شیڈنگ کا سلسلہ مختلف علاقوں میں گزشتہ ہفتے سے جاری ہے، روزانہ 12 سے 14 گھنٹے کی لوڈ شیڈنگ کی جا رہی ہے، بجلی آنے پر بھی کم وولٹیج کے مسائل کا سامنا رہتا ہے۔

مختلف علاقوں کے مکین لوڈ شیڈنگ سے تنگ آکر احتجاج پر بھی مجبور ہوگئے ہیں، کم وولٹیج سے ہونے والے مسائل کی شکایات بھی سامنے آرہی ہیں۔

ماڈل کالونی، کاظم آباد میں کئی گھنٹے سے بجلی غائب ہے، طویل لوڈ شیڈنگ سے علاقہ مکین مختلف پریشانیوں میں مبتلا ہیں، پانی کی بھی قلت ہے۔

لوڈ شیڈنگ سے متاثر ہونے والے علاقوں میں شاہ فیصل کالونی، ایئرپورٹ، گلستان جوہر، بکرا پیڑی، سعود آباد، کھوکھرا پار، معین آباد، ملیر ڈاک خانہ اور بھوپال ہاؤس بھی شامل ہیں۔

عمران خان کا نگراں حکومت سے لوڈ شیڈنگ ختم کرنے کا مطالبہ


شمسی سوسائٹی، پنجاب ٹاؤن، الفلاح، رفاہ عام سوسائٹی، جامع ملیہ روڈ، پاپوش نگر، 5 ایریا 36 سی میں بھی لوڈ شیڈنگ سے مکین شدید پریشانی میں مبتلا ہیں۔

لانڈھی زمان آباد، کورنگی نمبرڈھائی، سو کوارٹر، کورنگی نمبر5 جے ایریا، کھڈی اسٹاپ کے علاقے بھی لوڈ شیڈنگ کا شکار ہیں۔

کے الیکٹرک نے کہا ہے کہ ایئر پورٹ سب اسٹیشن میں ٹیکنیکل فالٹ کے باعث بجلی کی سپلائی بند ہے، تاہم کے ای ایئر پورٹ گرڈ اسٹیشن کا فالٹ ٹھیک کرنے کی ڈیڈلائن میں بار بار توسیع کر کے تاخیری حربوں سے کام لے رہی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں