صوفیہ : بلغاریہ کے شمال مشرقی علاقے میں مال بردارٹرین کےحادثے میں پانچ افرادہلاک اورپچیس زخمی ہوگئے۔
تفصیلات کےمطابق بلغاریہ کی پولیس کا کہنا ہے کہ آتش گیرمادہ لے جانے والی ٹرین ملک کے شمال مشرقی علاقے کے گاؤں ھیترینو میں پٹری سےاترگئی اورقریب واقع بجلی کی تاروں سے ٹکراگئی جس کےباعث آتش گیرمادے نے آگ پکڑلی۔
مال بردار ٹرین میں آگ نے دیکھتے ہی دیکھتے قریبی عمارتوں کولپیٹ میں لےلیا۔آگ لگنے سےبیس عمارتیں تباہ اورمتعددگاڑیوں کوبھی نقصان پہنچا۔
اسپتال کے ذرائع کا کہناہےکہ زخمیوں میں تین کی حالت نازک ہے اور مرنے والوں کی تعداد میں اضافہ ہوسکتا ہے-
بلغاریہ کے وزیراعظم بویکو بوریسوف نے جائے حادثہ کا دورہ کیااوران کا کہنا تھا کہ زخمیوں کی جو حالت ہے اس کے پیش نظر یقینی طور پر ہلاکتوں کی تعداد میں اضافہ ہوسکتاہے-
خیال رہے کہ فائربریگیڈ کی ایک سو پچاس گاڑیاں آگ بجھانے کے عمل میں مصروف تھیں اورلاپتہ افراد کی تلاش کا کام جاری ہے-
مزید پڑھیں:کیمرون میں ٹرین حادثہ،70افرادہلاک
واضح رہے کہ رواں سال اکتوبر میں افریقی ملک کیمرون میں ٹرین حادثے کےنتیجےمیں70 افراد ہلاک جبکہ 575افراد زخمی ہوگئے تھے-
