The news is by your side.

Advertisement

پنجاب پولیس کے بیشتر ایس ایچ اوز اور تفتیشی افسر جرائم پیشہ افراد کے سرپرست نکلے

بہاولپور : پنجاب پولیس کے بیشتر ایس ایچ اوز اور تفتیشی افسر جرائم پیشہ افراد کے سرپرست نکلے ، پولیس افسران کے خلاف کارروائی کی رپورٹ آئی جی اور وزارت داخلہ کو ارسال کردی گئی ہے۔

پولیس کی اسپیشل برانچ کی رپورٹ نے پولیس افسران کے جرائم پیشہ افراد کے سرپرستی کا بھانڈہ پھوڑدیا ، پولیس افسران کے خلاف کارروائی کی رپورٹ آئی جی اور وزارت داخلہ کو ارسال کردی ہے۔

پولیس نے 2 روز قبل مالدار افراد کو بلیک میل کرنے والے گروہ کو گرفتار کیا تھا ، گروہ کے سرغنہ چوہدری اظہر سمیت 6 ارکان کو گرفتار کیا گیا تھا اور سابق ایس ایچ او تھانہ بغداد اللہ یار، اسجد، ایس آئی ارشد ندیم بھی گروہ کا حصہ تھے جبکہ سابق ایس ایچ اواسلم بلوچ، اے ایس آئی حاجی ارشد اور ایس آئی شریف بھی شامل تھے۔

رپورٹ میں بتایا گیا کہ پولیس افسران خواتین کے ذریعے مالدار افراد پر مقدمات بناتے ہیں ، مقدمات کے بعد رقوم کے عوض صلح بھی کرادی جاتی ہے اور پولیس افسران کے ساتھ وکیل بھی اس گروہ سے وابستہ ہیں۔

پولیس کا کہنا ہے کہ ایس پی سلیم نیازی کاگروہ کی پشت پناہی کرنےپرٹرانسفر کیاگیا، ایس ڈی پی اوسٹی کے خلاف بھی کارروائی کی سفارش کی گئی ہے۔

Comments

یہ بھی پڑھیں