پاکستانی فلم اسٹار شان شاہد نے قومی کرکٹ ٹیم کے کپتان بابر اعظم کی تعریفوں کے پُل باندھ دیے اور ان کی مزاج کی عاجزی کے معترف ہوگئے۔
سماجی رابطے کی ویب سائٹ ٹوئٹر پر شان شاہد نے ایک پرانی تصویر شیئر کی جس میں وہ بابر اعظم کے ساتھ کھڑے ہیں۔ انہوں نے آئی سی سی کی ریکنگ بھی پوسٹ کی جس میں قومی کپتان سر فہرست ہیں۔
بابر اعظم کو مخاطب کرتے ہوئے شان شاہد نے لکھا کہ ”آپ نے ہمیشہ ہمارا سر فخر سے بلند کیا ہے، آپ بہت عاجزانہ مزاج کے مالک سُپر اسٹار ہیں۔“
نامور اداکار نے لکھا کہ اللہ ہمیشہ آپ کی مدد کرے اور آپ پر مہربان رہے۔
#BaberAzam brother you make us 🇵🇰 proud all the time . The most humble superstar .. may ALLAH be with you , and may he always shine his blessings on you #ourpride , #respect #pakistanNo1 pic.twitter.com/uyrlLFS9Ca
— Shaan Shahid (@mshaanshahid) June 14, 2022
خیال رہے کہ کپتان بابر اعظم نے ویسٹ انڈیز کے خلاف پہلے ون ڈے میں سنچری اسکور کر کے تاریخ رقم کر دی تھی کیوں کہ آج تک ون ڈے کی تاریخ میں کوئی بھی بلے باز دو بار لگاتار تین سنچریاں اسکور کرنے میں ناکام رہا ہے لیکن بابر اعظم نے پہلے ون ڈے میں شاندار سنچری اسکور کر کے یہ منفرد ریکارڈ اپنے نام کیا۔
بابر 2 بار مسلسل 3 سنچریاں بنانے والے دنیا کے پہلے بلے باز بن گئے۔ قومی ٹیم کے کپتان نے اس سے قبل 2016 میں ویسٹ انڈیز کے خلاف مسلسل 3 سنچریاں بنائی تھیں۔
.@babarazam258 MAKES HISTORY! 💪
👑 The No.1 batter becomes the 𝘰𝘯𝘭𝘺 player to record three successive ODI centuries twice 💯💯💯#PAKvWI | #KhelAbhiBaqiHai pic.twitter.com/nJxAixPE1i
— Pakistan Cricket (@TheRealPCB) June 8, 2022
بابر اعظم نے اس سنچری کے ساتھ ہی ایک اور ریکارڈ بھی اپنے نام کیا۔ انہوں نے بطور کپتان ون ڈے کرکٹ میں تیز ترین ایک ہزار رنز بنانے کا بھی اعزاز حاصل کیا۔ بابر نے 13 اننگز میں یہ سنگ میل عبور کیا۔ اس سے قبل یہ ریکارڈ بھارتی ٹیم کے سابق کپتان ویرات کوہلی کے پاس تھا۔