تحریک انصاف کے سینیٹر فیصل واوڈا نے سابق چیئرمین ایف بی آر شبرزیدی کو نااہل، نکمےاور بزدل آدمی قرار دے دیا۔
اے آر وائی نیوز کے پروگرام دی رپورٹرز میں گفتگو کرتے ہوئے فیصل واوڈا نے کہا کہ شبرزیدی بڑی بڑی باتیں کر کے گمراہ کرنےوالےشخص ہیں شبرزیدی جب آئےایف بی آرکابھیانک چہرہ بتایالیکن ایسا نہیں تھا۔
فیصل واوڈا نے کہا کہ شبرزیدی نےعمران خان کےسامنےبھی بڑی بڑی باتیں کیں ان کی تقرری پر کہا تھا یہ نااہل آدمی ہیں یہ وہ ہیں جو ہتھیلی پر سمندر دکھاتےہیں۔
پی ٹی آئی رہنما نے کہا کہ شبرزیدی جیسے لوگ ہوتےہیں جو خود کچھ کرتے ہیں نہ کرنے دیتے ہیں یہ لوگ سب اچھا خود سمیٹتےہیں اوربراکسی اورکےکھاتےمیں ڈالتےہیں مفاد کیلئے موقع پرہوتےہیں اور نقصان کے وقت یہ غائب ہو جاتے ہیں۔
ان کا کہنا تھا کہ ہم نےجو کچھ کہا تھا وہ کر دکھایا ہے مہنگائی مسئلہ ہےجس پرکام جاری ہے عمران خان کواللہ نے قوت دی،بساط لپیٹنےپرآتےہیں تولپیٹ دیتےہیں عمران خان ایسےشخص نہیں جو ملک سے بھاگ جائیں گےہر چیلنج کا مقابلہ کرتےہیں کیونکہ وہ دیانتدار انسان ہیں۔
