The news is by your side.

Advertisement

شہباز حکومت نے جو کیا، اس کا خمیازہ پاکستان کو اگلے 20سال تک بھگتنا ہو گا، شبر زیدی

اسلام آباد : سابق چیئرمین ایف بی آر شبر زیدی کا کہنا ہے کہ جو شہباز حکومت نے کیا، اس کا خمیازہ پاکستان کو اگلے بیس سال تک بھگتنا ہو گا۔

تفصیلات کے مطابق سابق چیئرمین ایف بی آر شبر زیدی نے وزیراعظم کی جانب سے سپر ٹیکس لگانے کے اعلان پر ردعمل دیتے ہوئے کہا کہ سپر ٹیکس کا اعلان ،سمجھ نہیں آرہا حکومت کیا کررہی ہے، انھوں نے یہ اعلان کرکے مارکیٹ کو کریش کرادیا۔

سابق چیئرمین ایف بی آر کا کہنا تھا کہ جو ٹیکس نہیں دیتے انھیں دائرہ کار میں لانا چاہیے تھا، جو ٹیکس دیتےہیں حکومت نے ان پر ڈبل ٹیکس لگادیا ہے۔

شبرزیدی نے کہا کہ اس حکومت نے 2سے3ماہ میں جوکیا اس کا خمیازہ ملک کو20سال بھگتنا پڑے گا،جن کمپنیوں پر سپر ٹیکس لگایا وہ صرف300 ہیں سمجھ سے باہر کہ ان 300 کمپنیوں کے ملازمین پر کیا اثر پڑے گا۔

ان کا مزید کہنا تھا کہ مجھے یقین ہی نہیں آرہا کہ انھوں نے سپر ٹیکس لگایا ہے اور سمجھ نہیں آرہا کہ سپر ٹیکس لگانے کااعلان وزیراعظم نے کیسے کردیا، تاجر برادری ویسے ہی ڈالر کی وجہ سے مشکل سے کمپنیاں چلارہےہیں، ہم نے جتنی محنت کی انھوں نے سب پر پانی پھیردیا۔

Comments

یہ بھی پڑھیں