The news is by your side.

Advertisement

آفاق احمد کی نائن زیرو آمد کی اجازت کا فیصلہ مشاورت سے ہوگا، شبیرقائم خانی

لاہور : متحدہ قومی موومنٹ رابطہ کمیٹی کے رکن شبیر قائم خانی نے کہا ہے کہ ایم کیو ایم حقیقی کے رہنما آفاق احمد کی نائن زیرو پر آمد کی اجازت کا فیصلہ پارٹی مشاورت سے کیا جائے گا۔

ان خیالات کا اظہار انہوں نے لاہور میں متحدہ قومی موومنٹ کے صوبائی سیکرٹیریٹ میں لاہور ہائی کورٹ بار کے وکلاء کی ایم کیو ایم میں شمولیت کے موقع پر میڈیا سے گفتگو کرتے ہوئے کیا۔

شبیر قائم خانی کا کہنا تھا کہ ان کی جماعت پر ماضی میں بھی بھارتی خفیہ ایجنسی را کے ساتھ روابط کے الزامات لگتے رہے ہیں مگرآج تک کسی بھی قسم کے ثبوت پیش نہیں کئے گئے۔

انہوں نے کہا کہ ایم کیو ایم میں اس سے پہلے بھی گروپنگ کروانے کی کوشش کی گئی جو کامیاب نہیں ہوسکی ، تاہم وہ آفاق احمد کی جانب سے نائن زیرو آمد اور ان کی ایم کیو ایم میں دوبارہ شمولیت پر فیصلہ رابطہ کمیٹی کرے گی۔

ایک سوال کے جواب میں شبیر قائم خانی کا کہنا تھا کہ حالیہ پانامہ لیکس کے معاملے پر وزیر اعظم نواز شریف کو اپنے عہدے سے مستعفی ہوکر خود کو کمیشن کے سامنے پیش کردینا چاہئیے۔

 

Comments

comments

یہ بھی پڑھیں