قومی ٹیم کے آل راؤنڈر شاداب خان نے کاؤنٹی کرکٹ میں تباہی مچادی جس کی ویڈیو وائرل ہوگئی۔
آل راؤنڈر شاداب خان نے ٹی 20 بلاسٹ کے کوارٹر فائنل میچ میں سرے کے خلاف شاندار بولنگ اور بیٹنگ کرکے اپنی ٹیم کو کامیابی دلوا دی۔
یارکشائر کی نمائندگی کرتے ہوئے شاداب خان نے پہلے 4 اوورز میں صرف 29 رنز دے کر 2 کھلاڑیوں کو پویلین کی راہ دکھائی۔
بیٹنگ میں بھی انہوں نے 12 گیندوں پر 21 رنز کی برق رفتار اننگز کھیلی۔
Shadab doing Shadab things 👌pic.twitter.com/OiMGtFWPtD
— Aatif Nawaz (@AatifNawaz) July 6, 2022
یارکشائر کی ٹیم نے شاداب کی برق رفتار اننگز کی بدولت مقررہ اوورز میں 5 وکٹوں کے نقصان پر 159 رنز بنائے اور سرے کو جیت کے لیے 160 رنز کا ہدف دیا۔
ہدف کے تعاقب سرے کی ٹیم 7 وکٹوں کے نقصان پر 159 رنز بناسکی اور اس طرح یارکشائر نے میچ ایک رن سے جیت لیا۔
