لاہور: قومی کرکٹ ٹیم کے آل راؤنڈر شاداب خان نے فاسٹ بولر حسن علی کے وکٹ لینے کے بعد جشن منانے کے انداز پر دلچسپ تبصرہ کردیا۔
تفصیلات کے مطابق آل راؤنڈر شاداب خان نے سماجی رابطے کی ویب سائٹ ٹویٹر پر حسن علی کی بولنگ کی تعریف کرتے ہوئے لکھا کہ ’اللہ محنت کا صلہ ضرور دیتا ہے، 10 وکٹیں حاصل کرنے پر آپ کو بہت بہت مبارک ہو۔‘
شاداب نے دلچسپ تبصرہ کرتے ہوئے لکھا کہ ’بجلی عارضی ہے لیکن جنریٹر مستقل ہے۔‘
Allah mehnat ka phal zarur deta hai. Congratulations @RealHa55an on your 10 wickets. Buht buht Mubarik ho. Electricity is temporary, generator is permanent pic.twitter.com/1X4Y8KP7MG
— Shadab Khan (@76Shadabkhan) February 8, 2021
❤️😘
— Hassan Ali 🇵🇰 (@RealHa55an) February 8, 2021
واضح رہے کہ فاسٹ بولر حسن علی نے جنوبی افریقہ کے خلاف دوسرے ٹیسٹ میچ میں عمدہ کارکردگی کا مظاہرہ کرتے ہوئے 10 وکٹیں حاصل کیں، انہیں شاندار کارکردگی پر میچ کا بہترین کھلاڑی قرار دیا گیا۔
واضح رہے کہ قومی ٹیم نے 18 سال بعد جنوبی افریقہ کو ٹیسٹ سیریز میں شکست دی، راولپنڈی ٹیسٹ میں پاکستان کے فاسٹ بولرز کا راج رہا، حسن علی نے ذمہ دارانہ بولنگ کا مظاہرہ کرتے ہوئے دونوں اننگز میں 5،5 وکٹیں حاصل کیں، شاہین آفریدی نے پہلی اننگز میں 1،دوسری اننگزمیں4 وکٹیں جبکہ حسن علی نے پہلی بارٹیسٹ میچ میں 10 وکٹیں لیں۔
بابر اعظم کی قیادت میں قومی ٹیم نے پہلی ٹیسٹ سیریزمیں کامیابی حاصل کی، محمد رضوان سیریز کے بہترین کھلاڑی قرار پائے۔
