قومی ٹیم ٹرائنگولر سیریز کھیلنے کے لیے نیوزی لینڈ پہنچ گئی جہاں بنگلہ دیش اور میزبان ٹیمیں مدمقابل آئیں گی۔
سہ فریقی سیریز میں گرین شرٹس کا مقابلہ 7 اکتوبر کو بنگلہ دیش سے ہوگا جبکہ 8 اکتوبر کو قومی ٹیم کو میزبان ٹیم کا چیلنج درپیش ہوگا۔
سیریز میں نیوزی لینڈ اور بنگلہ دیش کی ٹیمیں 9 اکتوبر کو مدمقابل آئیں گی جبکہ 1 ا اکتوبر کو پاکستان اور نیوزی لینڈ آمنے سامنے ہوں گے۔
13 اکتوبر کو نیوزی لینڈ اور بنگلہ دیش کے درمیان میچ کھیلا جائے جبکہ 14 اکتوبر کو پاکستان اور بنگلہ دیش کا مقابلہ ہوگا۔ سیریز کا فائنل 14 اکتوبر بروز جمعے کو کھیلا جائے گا۔
قومی ٹیم کے نائب کپتان شاداب خان نے ٹویٹر پر کپتان بابر اعظم اور فاسٹ بولر حارث رؤف کے ساتھ تصویر شیئر کی جسے مداحوں کی جانب سے پسند کیا جارہا ہے۔
تصویر میں کپتان بابر اعظم، شاداب خان اور فاسٹ بولر حارث رؤف موجود ہیں اور سردی کی مناسبت سے ملبوسات زیب تن کیے ہوئے ہیں، آل راؤنڈر نے کیپشن میں لکھا کہ ’ہائے امی جی سردی‘۔
Haye ami g sardi 🥶🥶🥶. pic.twitter.com/hoNp6fugdQ
— Shadab Khan (@76Shadabkhan) October 4, 2022
واضح رہے کہ ٹرائنگولر سیریز کے کے اختتام پر قومی ٹیم ورلڈ کپ کا معرکہ سر کرنے کے لیے آسٹریلیا روانہ ہوگی جہاں پہلے میچ میں 23 اکتوبر کو ان کا سامنا روایتی حریف بھارت سے ہوگا۔