The news is by your side.

شاداب خان نے شائقین کرکٹ سے معافی مانگ لی

قومی کرکٹ ٹیم کے نائب کپتان اور آل راؤنڈر شاداب خان نے ٹی ٹوئنٹی ورلڈ کپ میں ٹرافی حاصل نہ کرنے پر پاکستانیوں سے معافی مانگ لی۔

شاداب خان نے ٹی ٹوئنٹی ورلڈ کپ کے فائنل میچ کی تصویری جھلکیاں پوسٹ کرتے ہوئے لکھا کہ ہمیں مسلسل سپورٹ کرنے پر قوم کا شکر گزار ہوں۔

انہوں نے لکھا: ’ہم نے بہت محنت کی مگر آپ کے لیے ٹرافی نہیں جیت سکے۔ آپ کو مایوس کرنے پر معذرت خواہ ہوں۔ ہم خود کو مزید مضبوط کر کے واپس لانے کی کوشش کریں گے۔‘

شاداب خان نے لکھا کہ آپ ہم پر یقین رکھیں کیوں کہ یہ یقین ہمیں مضبوط بناتا ہے۔

دوسری جانب شاداب خان نے ٹی ٹوئنٹی انٹرنیشنل میں سب سے زیادہ وکٹیں حاصل کرنے والے بولر کا اعزاز حاصل کرلیا ہے۔

ٹی ٹوئنٹی ورلڈ کپ کے فائنل میچ میں شاداب خان نے انگلش کھلاڑی ہیری بروکس کو آؤٹ کر کے اپنی 98ویں وکٹ حاصل کرلی۔

Comments

یہ بھی پڑھیں