The news is by your side.

Advertisement

آسٹریلیا کیخلاف پاکستان کو بڑا دھچکا

آسٹریلیا کے خلاف ون ڈے ٹیم سیریز سے قبل پاکستان ٹیم کو بڑا دھچکا، نائب کپتان شاداب خان مکمل طور پر فٹ نہ ہو سکے۔

پاکستان کے محدود اوورز کے نائب کپتان شاداب خان ابھی تک فٹنس کے مسائل سے مکمل طور پر ٹھیک نہیں ہوئے اور ان کی آسٹریلیا کے خلاف پہلے دو ون ڈے میچوں میں شرکت مشکوک ہے۔

ذرائع کے مطابق 23 سالہ کھلاڑی گروئن انجری سے کافی حد تک نجات پا چکے ہیں لیکن وہ میچ فٹنس حاصل نہیں کر سکے۔

آسٹریلوی اسپنر کا ہدف کون؟ اپنی زبانی بتادیا

ٹیم انتظامیہ شاداب کو میدان میں اتارنے سے گریزاں ہے کیونکہ اس سے ان کی انجری مزید پریشانی کا باعث بن سکتی ہے تاہم وہ فٹنس ٹیسٹ پاس کرتے ہیں تو ان کی آخری ون ڈے میں شرکت کا امکان ہے۔

پاکستان مینز ٹیم کے منیجر سے جب شاداب کی انجری کے بارے میں پوچھے گیا تو ان کا کہنا تھا کہ ان کی انجری سے متعلق کل تک آگاہ کیا جائے گا۔

واضح رہے کہ اسپنر زاہد محمود کو محمد نواز کے متبادل کے طور پر اسکواڈ کا حصہ بنایا گیا ہے جو کہ شاداب خان کے بیک اپ بھی ہیں۔

Comments

یہ بھی پڑھیں