The news is by your side.

Advertisement

شادی میں فائرنگ، دو بچے زخمی، دولہا اوراس کا باپ گرفتار

راجن پور : شادی کی تقریب میں ہوائی فائرنگ سے دوبچے شدید زخمی ہوگئے، پولیس نے دولہا اور اس کے والد کو گرفتار کرلیا۔

تفصیلات کے مطابق راجن پور کے نواحی علاقہ کوٹلہ احمد میں باراتیوں کی جانب سے ہوائی فائرنگ کی گئی جس کے نتیجے میں دو معصوم بچے جن میں 5 سالہ شکیلہ اور 7 سالہ منیر شدید زخمی ہو گئے۔

اطلاع ملنے پر تھانہ سٹی پولیس موقع پر پہنچ گئی، پولیس نے ابتدائی تحقیقات کے بعد طبی امداد کیلیے دونوں زخمی بچوں کو ڈی ایچ کیو اسپتال راجن پور منتقل کرا دیا۔

تھانہ سٹی پولیس نے دولہا محمد بلال اور والد عابد حسین گرفتار کر کے حوالات میں بند کردیا، باراتیوں کی جانب سے پولیس کی منتیں بھی کسی کام نہ آئیں۔

دولہا کے سر پر سہرا گلے میں نوٹوں کے ہار اور دل میں سہانے خواب سجائے اس وقت چکنا چور ہوئے جب کسی باراتی کی غلطی سے حسرتوں پر پانی پھر گیا اور اسے حوالات کی سیر کرنا پڑی اور دلہن دولہا کا انتظار کرتی رہی۔

Print Friendly, PDF & Email

Comments

comments

یہ بھی پڑھیں