کوک اسٹوڈیو سیزن 14 کے گانے پسوڑی سے شہرت کی بلندیوں پر پہنچنے والی معروف اداکارہ شے گل کی گانا گانے کی ویڈیو سوشل میڈیا پر وائرل ہوگئی، مداح ایک بار پھر ان کی آواز کے سحر میں گم ہوگئے۔
سوشل میڈیا پر وائرل ہونے والی ویڈیو میں شے گل کو کہاں ہو تم گانا گاتے ہوئے سنا جاسکتا ہے۔
ویڈیو میں دعویٰ کیا گیا کہ یہ ایک مہندی کی تقریب ہے تاہم شے گل نے ویڈیو کے کمنٹ میں تصحیح کی کہ یہ غزل نائٹ تھی۔
View this post on Instagram
شے گل کی پہلے بھی یہی گانا گانے کی ایک ویڈیو وائرل ہوئی تھی، اس وقت شے ایک غیر معروف نام تھیں اور کوئی بھی انہیں بطور گلوکارہ نہیں جانتا تھا۔
خیال رہے کہ کوک اسٹوڈیو سیزن 14 کے پسوڑی گانے کو رواں برس 7 فروری کو ریلیز کیا گیا تھا اور یہ گانا پہلے 24 گھنٹوں میں 10 لاکھ بار دیکھا جانے والا کوک اسٹوڈیو سیزن 14 کا پہلا گانا بنا تھا۔
یوٹیوب پر اس گانے کو 10 کروڑ سے زائد بار سنا جا چکا ہے جبکہ آڈیو اسٹریمنگ سروس اسپاٹی فائی کے گلوبل وائرل 50 گانوں کی فہرست میں یہ تیسرے نمبر پر رہا۔
