The news is by your side.

Advertisement

میں اڑی حملے کی مذمت کرتا ہوں، باقی دوسروں کو نہیں جانتا، شفقت امانت علی

ممبئی : پاکستانی گلوکار شفقت امانت علی نے اڑی حملوں کی مذمت کرتے ہوئے کہا کہ میں اڑی حملے کی مذمت کرتا ہوں، باقی میں دوسروں کو نہیں جانتا، دونوں ممالک کے درمیان امن کی ضرورت ہے۔

تفصیلات کے مطابق شفقت امانت علی اڑی حملے کی مذمت کرنے والے پہلے پاکستانی فنکار بن گئے ،شفقت امانت علی نے کہا کہ میں دہشت گرد حملوں کی مذمت کرتا ہوں چاہے وہ دنیا میں کہیں بھی ہو، کوئی بھی جنگ نہیں چاہتا کیونکہ سب اس کے نتائج جانتے ہیں، اگر ایک جانب سے فائرنگ ہوگی تو دوسری جانب سے اسی طرح جواب آتا ہے، جو آج کل ہورہا ہے۔

کنٹرول لائن پر فائرنگ کے حوالے سے شفقت امانت علی کا کہنا تھا کہ میں پاکستان میں رہتا ہوں اور آپ بھارت میں رہتے ہیں لہذا آپ اپنی فوج کی حمایت کریں گے اور میں اپنی فوج کی حمایت کروں گا، ہم ہر طرف سے سرجیکل سٹرائیکس کے بارے میں سن رہے ہیں، لیکن ہم جانتے ہیں کہ یہ صرف سرحد پار فائرنگ ہے ، جو کنٹرول لائن پر ہوتی رہتی ہے

شفقت امانت علی نے کہا کہ میرے خیال سے پاکستانی فنکار دھمکیوں کے خوف سے اڑی حملے کی مذمت نہیں کررہے، جہاں تک مجھے معلوم ہے، دہشت گردی کے خلاف پاکستانی فنکاروں کا مؤقف بھی ایک ہی ہے۔

انکا مزید کہنا تھا کہ یہ وقت اس پر بحث کا نہیں کہ یہ سرجیکل اسٹرائیکس تھی یا سرحدپار فائرنگ بلکہ دونوں ممالک کو بیٹھ کر امن قائم کرنے کیلئے حل تلاش کرنا چاہئے ۔

یاد رہے کہ  شفقت امانت علی نے بالی ووڈ فلموں میں متعدد گانے گائے ہیں، اڑی حملوں کے بعد پاک بھارت کشیدگی کے باعث شفقت امانت علی کا 30 ستمبر کو ہونے والا کنسرٹ منسوخ کردیا گیا تھا۔


مزید پڑھیں : قومی ترانہ غلط پڑنے پرشفقت امانت علی نے قوم سے معافی مانگ لی


واضح رہے کہ ورلڈ ٹی 20 پاکستان اور بھارت میچ سے قبل پاکستانی گلوکار شفقت امان علی اور اداکار امیتابھ بچن نے اپنے اپنے ملک کے  ترانہ پڑھے تھے شفقت امان علی نے قومی ترانہ غلط پڑھا ، جس کے  بعد انکو قوم سے معافی مانگنی پڑھی ۔

Comments

comments

یہ بھی پڑھیں