The news is by your side.

Advertisement

خوشی ہوتی ہے پاکستان میں تعلیم میں بہتری آرہی ہے، شفقت محمود

اسلام آباد : وفاقی وزیر تعلیم شفقت محمود کا کہنا ہے کہ قوم اور ملک کی ترقی کے لیے تعلیم پرکام کرنے کی ضرورت ہے۔

تفصیلات کے مطابق وفاقی وزیرتعلیم شفقت محمود نے پاکستان سمٹ سے خطاب کرتے ہوئے کہا کہ خوشی ہوتی ہے پاکستان میں تعلیم میں بہتری آرہی ہے۔

شفقت محمود نے کہا کہ تعلیم کے میدان میں ابھی بہت سے کام کرنے ہیں، لوگ تعلیم کو بہتر بنانے کے لیے کردارادا کررہے ہیں۔

وفاقی وزیر تعلیم نے کہا کہ حکومتی سطح پرباتیں نہیں ایکشن کی ضرورت ہوتی ہے، قوم اور ملک کی ترقی کے لیے تعلیم پرکام کرنے کی ضرورت ہے۔

2 کروڑ بچے اسکول نہیں جا رہے جو لمحہ فکریہ ہے: وزیر تعلیم

یاد رہے کہ رواں سال 9 جنوری کو وفاقی وزیر تعلیم کا کہنا تھا کہ غریب پیچھے رہ گیا اور امرا کا طبقہ آگے نکل گیا، ہم نے یکساں نظام تعلیم کی طرف بڑھنا ہے، چاہتے ہیں قوم میں ایک اتفاق رائے پیدا کیا جائے۔

شفقت محمود کا کہنا تھا کہ تعلیمی نظام میں یکسانیت نہیں ہوتی تو دنیا کو دیکھنے کا نظریہ مختلف ہوگا، مختلف تعلیمی نظام کی وجہ سے قوم میں ذہن تقسیم ہوگئے، تقسیم ذہنوں سے ایک قوم بننے میں مشکل ہوتی ہے۔

Comments

comments

یہ بھی پڑھیں